Skip to main content

- Aqqaluk, kukkulluinnarputit

Lise Svenningsenip ICC-p siulittaasua Aqqaluk Lynge isumaqatiginngilaa, oqaatsit pillugit akisussaafferujussuarmik Partii Inuimut inissiisutut isumaqarfigigamiuk

- Isumaqarpunga Aqqaluk Lynge kukkulluinnartoq, isumaqarpunga tamat akisussaaffigigaat, aamma Partii Inuit ammasumik periaaseqarmat imaanngilaq, tamanna kisimiillutik akisussaaffigigaat.

Taama Lise Svenningsen, Siumut tunuliaqutaralugu Inatsisartunut qineqqusaarnerminut atatillugu siusinnerusukkut, saqqumilaarsimasoq, allappoq.

Oqaasii allaaserisamut ’Qaami tigussaasunik siunnersuuteqarniaritsi’-mut qisuariaataapput, tassani ICC-p siulittaasua Aqqaluk Lynge ilaatigut oqarmat 'paaseqatigiinnissamik amigaateqarpugut. Maanna Partii Inuit Nunatsinni politikkikkut pissaaneqalerami Inatsisartutigut Naalakkersuisunilu qanorpiaq inatsisiliornikut sinaakkusiissanersut utaqqimaaqqaassavagut,. Oqqarissaarneq piinnarnagu, akisussaavusi tigussaasumik inernilimmik sulissallusi’.

Piviusumik nutaamik aallartinneq
- Isumaqarpung appisaluussisoqarnera qaqitsisoqarneralu ajunngivissuusoq, kiisamilu immitsinnut paaseqatigiinnerulernissatta qanoq pilersinneqarnissaanut piviusumik aallartinnermik takusaqalerpunga, ukiorpassuarni politikkikkut atorneqarsimanitsinnut taarsiullugu, tamannami nipaatsumik mamaalluinnarsimavoq innarlerneqaataasimallunilu, Lise Svenningsen allappoq.

- Kalaallisut allassinnaannginnerma nipituuliuutiginissaa saperpara, kalaallisullu sapinngisamik oqalunnissara ukiuni 30-40-ni sorsuutigisimalllugu.

- Nunatsinni ullutsinni kalaallit qallunaatut oqalussinnaanngitsut 'silassorippallaanngitsutut' qallunaanit ammut isigineqararput, sammivilli nutaaq takusara tassaavoq, kalaallit kalaallinik kalaallisut oqalulluarsinnaanngitsunik ammut isiginnilersimanerat. Taamaattumik ullutsinni nassuerutissarpassuaqarpugut, Lise Svenningsen isummersorpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER