Skip to main content

Tusagassiuinermi ataqatigiissaarisutut atorfik pillugu paasiuminaatsut

Julie Rademacher Naalakkersuisut siulittaasuannut tusagassiuinermi ataqatigiissaarisutut atorfinitsinneqaqqaarpoq. Maanna atorfik inuttassarsiuunneqalerpoq. Naalakkersuisoqarfimmut pisortaq nissappallanninnguamilluunniit tutsaqanngilaq

- Tusagassiuutit Naalakkersuisut siulittaasuannut attaveqarusukkaangamik tamanna tusagassiuinermi ataqatigiissaarisoq Julie Rademacher aqqutigalugu pisassaaq.

Namminersorlutik Oqartussanit tusagassiuutitigut nalunaarummi apriilip 19-ianeersumi taama allassimasoqarpoq.

Tamanna tunngavigalugu Demokraatit sinnerlugit Inatsisartunut ilaasortaq Palle Christiansen Naalakkersuisunut apeqquteqarpoq, Julie Rademacherip Naalakkersuisut siulittaasuannut tusagassiuinermi ataqatigiissaarisutut atorfinitsinneqarnera atorfinitsitsisarnermi malittarisassanut naapertuunnersoq.

- Julie Rademacherip Namminersorlutik Oqartussani atorfinitsinneqarsimanera uppernarsarneqarpat paaserusuppara Naalakkersuisut siulittaasuata atorfiup inuttassarsiuunneqarnerani aqutsinikkut inatsisitigut piumasaqaatit malissimanerai, Palle Christiansen paragraf 37 malillugu apeqquteqarpoq.

Læs "D undrer sig over ansættelse af pressekoordinator"

Tusarliussinermit ullut qulit qaangiummata inuttassarsiuutileraat
Ulloq taannarpiaq apriilip 23-ani Sermitsiaq.AG-mit Siulittaasup Naalakkersuisoqarfiani pisortaagallartoq Søren Stach Nielsen attaveqarfigineqarpoq, atorfik inuttassarsiuunneqarsimanersoq taamaattoqarpallu tamanna sumi pinersoq paasiniarlugu.

Søren Stach Nielsen arlaleriarluni saaffigineqartaraluarluni tamatuminnga paasissutissiiumasimanngilaq. Saaffiginnissut tigusimagini taamaallaat uppernarsarpaa.

Naalakkersuisut siulittaasuannut tusagassiuinermi ataqatigiissaarisutut atorfik sapaatip-akunnerani matumani ataasinngornermi uissuumminaannartumik inuttassarsiuunneqalerpoq ilaatigut  nanoq.gl-imi.

Søren Stach Nielsenip oqaaseqarusunngilluinnarnera pissutigalugu sooq Naalakkersuisut siulittaasuata Naalakkersuisoqarfianut pisortaagallartutut Julie Rademacherip Naalakkersuisut siulittaasuannut tusagassiuinermi ataqatigiissutut atorfinitsinneqarsimanera tamanut saqqummiuteqqaariarlugu atorfiup taassumarpiaap ullut qulit qaangiunneranni inuttarsiuunneqalernera Sermitsiaq.AG-p nassuiaatissarsisinnaanngilaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER