Skip to main content

Qinersinermi kukkuluttorneq: Allakkatigut taasiviit tammaaneqartut

- Ajuusaarnartorujussuarmik pisoqarpoq, Kommuneqarfik Sermersuumi pisortaanerugallartoq oqarpoq. Sumi kukkusoqarsimanera maanna paasiniarneqalerpoq

- Pisoq assut ajuusaarnarpoq allakkatigullu taasinerit 41-t qanoq takuneqanngitsoorlutik mininneqarsinnaanersut suliffiup iluani ernerluta paasiniaqqissaarparput.

Taama oqarpoq Stine Johansen, Kommuneqarfik Sermersuumi pisortaanerugallartoq oqarpoq.

 

Apriilip 25-ani 2013 Nuummi Innuttaasunut Sullissivimmi allakkatigut taasinerit 41-t nassaarineqarput, taakkulu kukkunikkut piffissaq qaangiutereersoq qinersinermi aqutsisumut tunniunneqarsimallutik, taamaalillutik kommunalbestyrelsimut ilagiillu sinniisaannut qinersinermi apriilip aappaani 2013 kisitsinermi ilaatinneqarsimanatik.

- Kommuneqarfik Sermersuumi kommunalbestyrelsimut qinersinermi allakkatigut taasinerit 31-t kisinneqarnerinut atatillugu, uppernarsarneqarsinnaavoq taasinerit qinersinerup inerneranut allannguuteqartitsisimanavianngitsut qinersinerup unnukkuani kisitsinermi ilanngussimasuuppata. Matumani aamma partiit akornanni qinigaasut aggulunneri aammalu qinigassanngortittut sorliit kommunalbestyrelsimut isersimanersut nikinnatik allannguuteqanngillat. Allakkatigut taasinerit unnuk taanna kisitsinermi ilanngunneqarsimasuuppata, sinniisussat tulleriiaarnerannut aamma sunniuteqarsimanavianngillat, Stine Johansen nassuiaavoq.

 

Siuliani kommunimut qinersinermi aamma taamak pisoqarpoq
- Ilagiit sinniisaannut allakkatigut taasinerit tallimat kisinneqarnerannut atatillugu, uppernarsarneqarsinnaavoq ilagiit sinniisaannut qinersinermi taasinerit unnuk taanna ilanngunneqarsimasuuppata qinigaasunut sunniuteqarnavianngillat, Kommuneqarfik Sermersuumi pisortaanerugallartoq oqarpoq.

Pisoq Nuup Kommunerisimasaanut assinguvoq, apriilip pingajuani 2001-imi allakkatigut taasinerit 27-t puigorneqarsimammata.

Allakkatigut taasinerit nassaarineqartut ima agguataarsimapput:

  • Allakkatigut taasinerit 31-t Kommuneqarfik Sermersuumi kommunalbestyrelsimut qinersinermut attuumassuteqartut
  • Allakkatigut taasineq ataaseq Qaasuitsup Kommuniani kommunalbestyrelsimut qinersinermut attuumassuteqartoq
  •  Allakkatigut taasinerit marluk Kommune Kujallermi kommunalbestyrelsimut qinersinermut attuumassuteqartut
  •  Allakkatigut taasinerit marluk Qeqqata Kommuniani kommunalbestyrelsimut qinersinermut attuumassuteqartut.
  • Allakkatigut taasinerit tallimat Nuummi ilagiit sinniisaannut qinersinermut attuumassuteqartut

Er gået tabt
​Qinersinermut inatsit § 38, imm. 3 naapertorlugu, allakkatigut taasissutit kisitsereernerup kingorna qinersinermi aqutsisumit tiguneqartut ilanngunneqarsinnaanngillat. Tamannalu ima isumaqarpoq, allakkatigut taasinerit nassaarineqarsimasut ilanngunneqarsinnaanngitsut, qinersinerup ulluani qinersivimmut tunniunneqarsimanngimmata.

 

Kommuneqarfik Sermersuumi Qinersinermut Siulersuisut apriilip 29-ani 2013 Qinersinermut Ataatsimiititaliaq suliaq pillugu ilisimatitsipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER