Skip to main content

Ilulissani nualluuttorsuupput

Nualluut sakkortooq Ilulissani atuuppoq. Peqqinnissaqarfimmiut tamanna ulapaarutigaat

Ilulissani nualluttorpassuit allatut ajornartumik napparsimmavimmiit suneqarpiarsinnaarpiaratik ulluni makkunani angerlartiinnarneqartarput qasuersaarluaqquneqarlutik. Nualluut taanna peqqarniitsoq Ilulissani maanna atugaaqaaq meeqqallu kissarneqarujussuartarput.

- Ullut tamaasa nakorsiartut nualluttut 100-ut missaat nakorsiartarfimmut takkuttarput. Kisiannili tassa nualluut timimiilereersimatillugu iliuuseqarpiarsinnaaneq ajorpugut, Ilulissani peqqissaaviup immikkoortuani peqqissaasut pisortaat Arnannguaq Blytmann Sermitsiaq.AG-mut oqarpoq.

Ilulissalli kisimik pinnatik illoqarfiit allat aamma nualluummiit peqqarniitsumit tassannga eqqorneqarsimapput. Ilulissanut pinnginnermini nualluut Nuummi aamma Sisimiuni atuutereersimavoq inuit sapaatit akunnerit arlerlugit napparsimasarlutik. Tuniluunnerunissaali ilimanarneruliinnartarpoq inuit nakorsiarlutik nakorsamut isernissaminnut utaqqinneranni.

Kissarneqarujussuarneq
Inersimasut 38,5 tikillugu kissarneqarsinnaasarput meeqqat 41 angullugu kissarneqarsinnaasarlutik. Ullulli arlaqanngitsut qaangiunneranni kissarneqarujussuarunnaartarput. Amerlasut timiminni nukiit saarngillu annerisarpaat taakkulu nipaallisaatit pisiniarfinni pisiarineqarsinnaasut atorlugit nipaallisimatinneqarsinnaapput.

Peqqinnissaqarfimmiut siunnersuutigisinnaasaasa pitsaanersaat tassaavoq angerlarsimaannarnissaq imminut iluarusutsilaarluni minnerunngitsumillu qasuersaarluarluni.

Nualluut aamma toqqusaarlunnikkut, puakkut nuffersoornikkut, siutitigut aseruuttoornikkut aamma sorlutsigut aseruuttoornikkut ajorseriarsinnaavoq tamannalu pencillin atorlugu nakorsarneqartarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER