Skip to main content

DTU: Artek periarfissagissaarluartoq

Artekimi ilinniartut piffissap ingerlanerani amerliartortinneqassapput maannakkut ilinniartuusartut 25-t ukiumut 125-nngortinneqassallutik, nalunaarummi  taamak allassimavoq

- DTU-mit Artek annertuumik periarfissaqartutut nalilerneqarpoq aamma pilersaarutigaarput, ilinniartut piffissap ingerlanera ukiumut 25-niit 125-nngortinneqassapput. Sulissutiginiarparput kalaallit inuusuttut ilinniarfimmut isertartut marloriaatinngortinneqarnissaat.

Taamak oqaluttuarpoq Artekimi pisortaq, Carl Egede Bøggild.

Tamanna taassuma DTU-rektorimik Anders Bjarklevimik issatsiaq ilinniartitaanermut, kultureqarnermut, ilagiinnut naligiissitaanermullu naalakkersuisumik Nick Nielsen, Siumut ataatsimeeqateqarnerisa kingorna pivoq. Ataatsimiinneq Københavnip avannaani Lyngbymi Danmarks Tekniske Universitet, DTU, ingerlanneqarpoq.

Taamaatiinnartartut pinaveersaartinneqarsinnaapput
Carl Egede Bøggild tusagassiorfinnut nalunaarpoq ilinniarnerup Sisimiuni ingerlanneqarnera aamma TEknikimik Ilinniarfimmik suleqateqarnerup nassataanik ilinniakkat teknikkimut tunngasut aamma issittumi teknologimik ilinniarnerup katersuuffeqarnerat imminnut nukittorsaqatigiittut. Assersuutigalugu ilinniarfinni ilinniartut ilinniakkaminnik paarlaasserusunnerannut periarfissat pitsaanerulissapput, soorlu ingeniørinngorniarnermit inuussutissarsiummik allamik ilinniagaqarnissamut paarlattuanilluunniit. Taamaaliornikkut taamaatiinnartartut pinaveersaarneqarsinnaapput. 

- Ilinniarfinni taamaatiinnartartut ikilisarneqarnissaat uannut kajuminnartuuvoq. Taamaatiinnartussaagaluartup ilinniagaanik nikisitsinikkut pinaveersaartitsisinnaagutta uannit tamakkiisumik tapersersorneqartoq ilisimaneqassaaq, Nick Nielsen oqarpoq.

Nick Nielsenip alakkarterinermi nalaani DTU-mi rektori Anders Bjarklev, Namminersorlutik oqartussat aamma DTU-p akornanni Artek pillugu sinaakkutissanik angusassanillu isumaqatigiissuteqarput, suleqatigiilluarnermut ersiutaavoq atsiugarlu siunissami allisaanissamut pilersaarutinik aqqutissiuisussatut taaneqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER