Skip to main content

Ilimaginnittoq: Noma normu 1-inngoqqissaaq

Noma nunarsuarmi neriniartarfiit pitsaanersaattut ukiut sisamassaa tulleriisiinnarlugu toqqarneqarnissaminut periarfissarissaarpoq, Bent Christensen isumaqarpoq 

Den Danske Spiseguide-mik saqqummersitsisartoq Bent Christensen qularuteqanngilaq. Ataasinngorpat unnukkut periarfissarissaarpoq qallunaat neriniartarfiata Nomap ukiut sisamassaa ingerlatiinnarlugu nunarsuarmi neriniartarfiit pitsaanersaattut toqqarneqarnissaanut.

- Tamanna ilimagaara, naatsorsuutigaaralu normu 1-inngoqqissasut, ajornerulaartumulli inissikkaluarpata tamanna ajunaarnersuussanngilaq, Bent Christensen oqarpoq.

Taanna ukiuni kingullerni tallimani unammiuaarnermi dommeriusarsimavoq, unammiuaarnerlu Londonimi pisarpoq taaguuteqarluni "The World´s 50 Best Restaurants".

Dommerit katillutik 900-uupput, dommerillu nutaat Nomap ajugaasaqattaarnera akornusersinnaavaat, Bent Christensen isumaqarpoq.

- Ukiut tamaasa dommerit amerlassusaat allanngortinneqartarpoq. Tamarmik Noma-miissimanngillat tamannalu Nomap nikeriarneranut pissutaaqataasinnaavoq, tassami dommerit nutaajunerpaat nerisassanut paasisimasaat ilisimalluarneqanngimmat, taanna oqarpoq.

Noma ukiuni kingullerni pingasuni tulleriisiinnarlugu nunarsuarmi neriniartarfiit pitsaanersaattut toqqarneqartarpoq. Neriniartarfillu arsimi roskildesyge-mik eqqorneqarsimagaluartoq, tassani neriartortorpassuit napparsimalerlutik, tamanna toqqaanermut sunniuteqarnavianngilaq, Bent Christensen naliliivoq.

- Inuit naliliisartut ilisimasaliupput. Naliliisartut tassaanngillat hr. aamma fru Petersen. Taamatut pisoqarsinnavoq. Inuit nerisassanik pitsaasunik soqutiginnittut tamanna nalunngilaat, taanna oqarpoq.

Qallunaap dommerip ilanngullugu oqaatigaa unammineq ukiuni kingullerni sakkortunerulersimasoq. Pingaartumik neriniartarfiit Asiameersut pingaartumillu Kinameersut, unamminermi peqataasalersimapput.

- Ajugaaniarneq imaannaanngeqaaqa. Pikkorissuseq attatiinnaraluaraanni qaffalaarsimagaluaraanniluunniit ajornannginnerulersimanngilaq, Bent Christensen oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER