Skip to main content

Kalaallit taekwondo-rtartut Sydkoreap takorusuppai

Folketingimut ilaasortap Doris Jakobsenip qanittukkut Sydkoreap ambassadøria Københavnimi naapippaa, isumaqatigiissuteqarfigalugulu taekwondo-mik timersortartunik taarseqqatigiinnissamik periarfissat misissorneqassasut 

Sydkoreap Københavnimi ambassadøriata dr. Byung H. Kim-ip sisamanngormat Siumut tunuliaqutaralugu folketingimut ilaasortamik Doris Jakobsenimik Københavnimi nereqatigiillutik ataatsimiinnerminni partii Siumut Kalaallit Nunaanni qinersinermi ajugaanerani pilluaqquvaa.

- Isumaqatigiissutigisorujussuuvarput nunatta marluk suleqatigiinnertik annertusisariaqaraat immitsinnullu paaseqatigiinnerulissasugut, ataatsimiinnerup kingorna Doris Jakobsen oqarpoq.

Ambassadør Byung H. Kim-ip kakkagisorujussuuvaa Kalaallit Nunaat taekwondo-mi nunani tamalaani taama angusarissaartartigimmat, taekwondo-rtartullu maani Københavnimi takussagunigit nuannaarutigissaqaa.

- Ajornanngippat ambassadørip nunanut allanut unammisartut naapikkusuttorujussuuvai, taakua Sloveniami Europami pissartanngorniunnermit maanna ingerlanneqartunit angerlarpata, ataatsimiinnerup kingorna Doris Jakobsen paasissutissiivoq.

Ataatsimiinnermi taekwondo-rtartunik taarseqqatigiinnissamik periarfissat oqaloqatigiissutigineqarput.

- Ambassadørip timersortartunik, pingaartumik taekwondo-rtartunik, taarseeqatigiittarnissamik periarfissat misissorusuttorujussuuvai. Tassaasinnaapput masterit (sungiusaasut, aaqqiss.) Koreameersut piffissap ilaani Nunatsinnukartut, imaluunniit tassaasinnaavoq nunanit taakkunannga marlunnit peqataaffigineqartumik unammiuaartitsineq, Doris Jakobsen oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER