Skip to main content

EU-mi puisinik nioqquteqaqqusinnginneq eqqartuussivimmit atuuttussaatinneqartoq

EU-mi Eqqartuussiviup atuuttussaanerarpaa EU-p tuniniaasoqaqqusaannginnermik aalajangiussaa, namminneq nunamik iluanni niuernerup puisillu illersorneqarnissaannut tunngatinneqarmat 

EU-mi eqqartuussiviup puisit neqaannik puisillu amiineq tuniniaasoqarsinnaanginneranik aalajangiussaq atuuttussaatinnerarpaa.

Eqqartuussivimmut suliassanngortitsisut arlallit ilaatigut tassaasut piniartut, suliareqqiinermik ingerlatsiviit aamma Canadamit Kalaallillu Nunaannit niuertut kiisalu nunanit allaneersut eqqartuussivik qinnuigisimavaat niuertoqarsinnaaneranik aalajangiussamik atuutitsiunnaaqqullugit, puisinniarnerup annikillisinneqarnissaa aallaavigalugu inerteqqut EU-mit atuutsilerneqarnikuuvoq.

Kisianni eqqartuussivik naliliivoq suut tamarmik inissaminniittut, aamma EU-mi ilaasortaat nunat niueqatigiinnerannik qulakkeerinneqataasussatut taamalu EU-mi tamarmi assigiimmik inatsiseqarnissamik aallaaveqarmat.

Nunat EU-mi ilaasortat arlallit uumasunik illersuinianit tatineqarlutik imaluunniit namminneq inatsisinik pilersitsilersaaraluarput, naalagaaffimminni puisinit tunisassianik inerteqquteqarnissamut. 

- Eqqartuussivimmit ilumoornerarneqarpoq inatsisiliornikkut nunani ilaasortaasuni niueqatigiinnermi atugassarititaasunik pitsanngorsaataasoq - aamma uumasut atugarissaarnerunissaannut tunngassuteqarmat - nunat ilaasortaasut ataasiakkaat isumaqatigiinniarnikkut naammaginartumik angusaqarneq ajornerat aallaavigalugu EU-mi qanoq iliuuseqartoqarnissaa piumasarineqarsinnaammat, eqqartuussummi allassimavoq. 

Tassunga suliaq pingaartumik Canadamut pingaaruteqarpoq, ukioq manna puisinniarneq qaammatip siuliani New Foundlandip eqqaani aallartippoq. 

Nutaarsiassaqartitsivik The Canadian Press naapertorlugu ukioq manna puisit 76.000-t pisarineqareerput.

Pisalli ukiut qulit matuma siorna pisarineqartartunit ikinnerunissaat naatsorsuutigineqarput - minnerunngitsumik EU-p Ruslandillu niuertoqarsinnaaneranik inerteqquteqarnerat pissutigalugu. Ukiut tamaasa puisit 300.000-t pisarineqartaraluarput. 

EU-p inatsisai naapertorlugit puisinit tunisassiat nammineq atugassaq eqqunneqarsinnaapput - aamma puisinniarneq qanga ileqqut naapertorlugit aamma nunat inoqqaavisa uummaannarnissaannik aallaavilimmik piniariaatsit atorneqarsimagaluarpata. 

Immikkuullarissut tamakku inerteqqummi atuutsinneqanngillat. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER