Uagutsinni isummersuutinik pitsaasunik saqqummiussisartuussavit?
Sermitsiaq.AG-mit ujartorneqarput uummammioqarlutik allaaserinnittartussat arfinilinnit arfineq-pingasunik amerlassusillit. Isummaminnik saqqummiussinissaminnut annilaanngagisaqanngitsut - maajimi nittartakkap nutarterineranit allaaserinnittartussat
Isummannik ersersitsiniaallaqqissuuvit aamma tamakkuninnga saqqummiussinissat qunuginngiliuk, isummavillu atuartartunit tusindelikkaanit takuneqarnissaat soqutigaajuk?
Taava immaqa illit tassaavutit isummersortartussatta arfinilinnit arfineq-pingasut tikillugit amerlassusillit ilaat, Tusagasiiviup Sermitsiaq.AG nittartagaata maajimi nutartersimalluni saqqummiuteqqinneqarnerani allattartussaq.
Allaaserinnittartussanik kissaateqarpugut immaqa piniarnermik aalisarnermillu soqutigisalimmik, silap pissusaanik, oqaatsinik, atisanik nutaalianik, ilinniartunut, timersornermik politikkimik allarluinnarmilluunniit soqutigisalimmik. Pingaarnerpaarli tassa allannissamik pinngitsoorsinnaanngilatit qaammamullu marloriarlutik naatsumik, eqqortumik soqutigisat pillugu allaaserinnissinnaallutit.
Suliassaq aningaasartaqanngilaq paarlattuanik isummersuutivit qisuarfigineqartarnissaat naatsorsuutigissavat.
Imaaliussaatit
Nittartakkami aaqqissuisumut Søren Duran Duus via suulut@sermitsiaq.ag titarnerit tallimat missaat atorlugit allagaqarit suut allaaseriniarnerlugit kissaatigalugu eqqartorlugu aamma sooq illit toqqassaneritsigit. Allaaserisat tamakkua nammineq inuunermit aallaaveqarnerat pissutigalugu iluaqqutaassaaq kalaallisut qallunaatullu allassinnaaguit. Iluaqqutissaq allat tassaavoq allaaserisannut naleqquttunik assitaqartitsisinnaaguit.
Allattartuunissat kissaatigigukku marlunngorneq apriilip 30-anni mail-ikkut allakkatit tigoreersimassavavut.