Skip to main content

Air Greenlandip anguniakkat naammassivai

Air Greenlandip angusarissaarneratigut bilitsit akikinnerulersinnaapput pitsaanerusumillu sullissisoqarluni. Taama naalakkersuisut allapput Air Greenlandip ataatsimeersuarneranut atatillugu 

Air Greenland A/S 2012-mi kusanarluinnartumik angusaqarpoq akileraartinnani107 million koruuninik sinneqartoorluni, tassalu siornamut naleqqiullugu pitsanngoriarnerulluni, ilimagisamit sinneqartoornerulluni angusaalluni. Akileraartinnani 60 million koruuninik sinneqartoornissaq missigersuusiarineqarsimavoq, marloriaatingajaannilli angusaqartoqarluni, tassalu 107 million koruuninik. 

Angusat pitsaasut pingaarnerusumik ingerlatseqatigiiffiup aningaasartuutaanit annikillisaanikkut pilersinneqarsimapput

Taama allapput naalakkersuisut pitsaasumik aningaasaqarniarnikkut ineriartorneq, ingerlatseqatigiiffimmit unammilleriartuaarnissamut tunngatillugu pitsaasumik aallaaviliisoq iluarineqarluni, tamannalu ajornanngippat atuisunut akikinnerusumik timmisartornermi bilitsinut aamma pitsaanerusumik sullissinertut isikkulerluni iluaqutaaniartussaavoq.  

- Naalakkersuisunit Air Greenland-ip angallavigisartagaa Nuup aamma Iqaluit akornanniittoq isigineqarpoq nalinginnaasumik angallannerup aaqqissuunneqarsimaneranik allanngortitsinialernerit ilaattut, tamakkualu ukiuni aggersuni inuiaqatigiinnut pitsaanerusumik ineriartornissamut periarfissiissallutik, naalakkersuisut siulittaasuat Aleqa Hammond Siumumeersoq oqarpoq.

NNaalakkersuisunit piginneqataassutillit soorluttaaq ingerlatseqatigiiffimmi siulersuisut aamma sulisut pitsaasumik angusaqarnermut qujassuteqarfigerusunneqarput. Julia Pars aamma Jens Wittrup-Willumsen Air Greenlandip siulersuisuinut naalakkersuisunit toqqarneqartut ingerlaannassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER