Skip to main content

SIK: NUSUKA sumiittoruna

Jess G. Berthelsen, SIK-mut siulittaasoq, eqqumiilliorpoq, SIK-mit NUSUKAmut saaffiginnissutaagaluit akineqarneq ajormata  

 

Siorna 2012-imi upernaakkut NUSUKA-mut isumaqatigiissutit nutarterneqarnissaat isumaqatigiinniutigissallugu SIK-miik noqqaanerput aallaqqaammut ilassilluarneqarpoq aamma naapinnissaq siulleq ulloq isumaqatigiissutigaarput. 

Tamatumali kingorna SIK-mit saaffiginnissutaasaraluartut akineqartarneri naammaginarunnaarput. Taamak allappoq SIK-p siulittaasua Jess G. Berthelsen, maanna allakkakkut ammasutigut NUSUKAmut attaveqarniarsarisoq. 

 

Kisianni ulloq isumaqatigiissutigeeraluarlugu kinguartitsisarsimagaluarlutalu juli qaammat naapinnermi isumaqatigiinniartigata siullertut SIK-miik piumasaqaatigisarput, tassalu paaseqqaarusullugu kikkut SIK-miik isumaqatigiinniutissanerlutigit ? paaseqqaarusullugu piumasaqaatigisarput. 

- E-mailikkut SIK-miik allakkagut akineqarneq ajorput. Aamma siulersuisuni ilaasortat aqqusinermi angalasarnitsinnilu naapikkaangatsigit aperisaraluarpagut qaqugu isumaqatigiinniassanerluta ? Oqaasiinnartigulli neriorsuisaraluarput SIK-miik saaffiginnissutigut akissuteqarfigineqassasut, kisianni tassa ajoraluartumik kiisa maannakkut misigisimalerpugut asuli pineqarujoorluta, sumik peqquteqaraluarnersumik ? Aaliangerpugullu avammut nalunaaruteqarluta misilillugu attaviginiarlugit, Jess G. Berthelsen isumaqarpoq. 

- Tamannali aqqut ajornartoq paasigutsigu allatut ajornartumik tunngaviusumik isumaqatigiissummik unioqqutitsinertut isigalugu isumaqatigiissitsiniartartut aqqutigalugit SIK-miik akisussaaffipput naammassiniartariaqassavarput, Jess G. Berthelsen isumaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER