Skip to main content

Sermitsiap Aleqa radiokkut tusarsaanngitsoq isornartorsioraa

Aviisimi allaaserisat pingaarnersaani Naalakkersuisut siulittaasuat Aleqa Hammond isornartorsiorneqarpoq, tusagassiuteqarfimmit apersorniarneqaraangami paasissutissanilluunniit piniarfigineqaraangami matoqqanerarlugu

Tusagassiuteqarfimmut Sermitsiaq.AG-mut Naalakkersuisut siulittaasuannik apersuiniarneq ajornarnerulernikooqaaq, Siumup siulittaasuata Aleqa Hammondip naalakkersuisut siulittaasuattut issialernerata kingorna.   

Aviisi Sermitsiaq sapaatip-akunnerani pingaarnertut allaaserisamini naalakkersuisooqatigiit isumaqatigiissutaannik issuaalluni aallartippoq:

Innuttaasut toqqissisimanissaat qitiutillugu kikkullu tamat oqartussaaqataanerat pingaartillugu ammasumik akuutitsineq sunniuteqaqataanerlu qulakkeerumavarput.

Inuit tamat oqartussaaqataanerannut tusagassiorfiit arlaannaannut attuumasseqanngitsut pinngitsoorneqarsinnaanngillat.

Aviisimi allaaserisat pingaarnersaannit tigulaagaq:

Naalakkersuisut ammasumik innuttaasullu akuutillugit ingerlatsinissamik neriorsuuteqarput erseqqissarlugulu tusagassiorfiit arlaannaannut attuumassuteqanngitsut tamat oqartussaaqataanerannut pinngitsoorneqarsinnaanngitsut.

Taamatut neriorsuuteqarneranni soorunami naatsorsuutigaarput naalakkersuisut attaveqarfigisinnaasallutigik innuttaasut sinnerlugit apeqqutissaqaraangatta.

Eqqaamasariaqarpoq tusagassiorfiit naalakkersuinikkut aalajangiisartunik attaveqarnissamut pisariaqartitsisarmata tamanna innuttaasunut inuussutissarsiornikkullu pingaartuugaangat.

 

Ammasumik pissusilersortoqanngilaq erseqqissumillu oqaluttoqarani

Naalakkersuisunngortitsiniarnerup nalaani pilersinneqarnerisalu kingorna politikkimut, anguniakkanut takorluukkanullu tunngasunik apeqqutissaqarluta attaveqarniarnerput ajornakusoorsimaqaaq.

Imaassinnaavoq naalakkersuinikkut siuttuulersut issiavissartik allaffissartillu nassaariniaraat politikkili nutaajusinnaanngilaq. Taannami peqqutigalugu qinigaapput taamaattumillu tamarmik piareersimaffigisariaqarlugu ilisimalluarlugulu. Nutaamik politikkeqarnertik peqqutigalugu qinigaapput. Naatsorsuutigisariaqarporlu naalakkersuinermik suliallit ajornaquteqanngikkaluamik suniarnerlutik innuttaasut oqaluttuusinnaassagaat.

Soorunami akisoqarsinnaavoq piffissaqarneruniarama akitinnangalu paasiniaaqqaarusuttunga.

Akisoqanngilarli.

Ammasumik akimulluunniit ersittumik ingerlatsinerunngilaq.

Akerlianilli akimmisaarfeqalerpoq tusagasassiutinik ataqatigiissaarisoqalerneratigut tamannalu ammasuunissamut akimullu ersittumik ingerlatsinissamut iluaqutaanngilaq.

 

Sapaatip-akunnerani Sermitsiaq saqqummersoq atuaruk, aviisi nittartakkap naqqani pisiarisinnaavat:

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER