Skip to main content

Dronningi kunngissarlu Aleqamik ilassinnipput

Naalakkersuisut siulittaasuata dronning Margrethe Amalienborgimut ilassiartormagu tupaallatsinneqarpoq

Naalakkersuisut siulittaasuat Aleqa Hammond, Siumut nuannaarutissaqarpaseqaaq maannakkummi pingasunngornermi Amalienborgimi ilassinnikkiartornini pillugu oqaluttuarsinnaalerami.

- Siullermik siunertaagaluarpoq dronningilu naapeqatigiinnissarput, uannulli immikkut nuanaajallannartumik kunngissap naapeqatigiinnermi peqataanissani toqqarsimavaa. Kunngissap naapeqatigiinnermi peqataanerata ersiutigaa taassuma Kalaallit Nunaannik soqutiginnilluarnera. Tamanna nuannaarutigisorujussuuara, Aleqa Hammond tusagassiivinnut allappoq.  

Dronning Margrethe aamma kunngissaq Frederik Naalakkersuisut siulittaasuannik dronningip angerlarsimaffiani Amalienborgimi pingasunngornikkut ullup qeqqata siorna ilassinnipput, tassani Aleqa Hammondip Inatsisartunut qinersineq sivikitsumik nassuiaatigaa taamatullu naalakkersuisooqatigiinnermik isumaqatigiissut. Ilassinninneq minutsinik 45-nik sivisussuseqarpoq. 

Aleqa Hammondip dronningimik ilassinninnini pillugu Sermitsiaq.AG oqaloqatigerusussimanngilaa. 

Hammond ataasinngornermit sisamanngornermut perngaamik Naalakkersuisut siulittaasuattut Danmarkimi tikeraarpoq. 

Ilassinninneq pillugu sapaatip-akunnerani uani Sermitsiaq saqqummersoq nittartakkap naqqani pisiarineqarsinnaavoq:

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER