Skip to main content

SIK akiligassanut tupannartunut naammagittaalliorpoq

INI-mi attartortorpassuarnut kiassarnermut akiligasseeqqinneq ilaqutariippassuarnik aningaasatigut ilungersoreeqqisunik eqquivoq, SIK-mit nalunaarutigineqarpoq 

Ajorpoq!

Taama  SIK-mit oqariartuuteqartoqarpoq INI-mi attartortorpassuit kiassarnermut akiligasseqqinneqarnerannut atatillugu apriilimi kiassarnikkut iluarsiinermi akiligassat ilaat tusindinik arlalinnik annertussuseqarlutik. Attartortut ilaat 7.000 koruunit sinnerlugit akiligasseqqinneqarput.  

- Manna immikkut akiligassiinikkut ilaasortarpassuavut eqqugaapput, ilaqutariippassuillu aningaasaqarniarnikkut ilungersoreeqisut suli ilungersornerulersillugit, SIK-mi siulittaasup tullia Josef ’Ujoorsi’ Therkildsen oqarpoq.

- U ngasissorsuunngitsukkut SIK pisortanik akissarsiatigut isumaqatigiissuteqarpoq, akissarsiallu annikitsuinnarmik qaffanneqarput, taamaattorli pisissutaasinnaanerat annikilleriarani. Tamanna nuannaarutigisimavarput, naak nalunngikkaluarlugu pisiassat aamma isumaqatigiissuteqarfiup iluani qaffakkiartorumaartut, taamalu akissarsiat qaffannerigaluat mangialerlugu.

Josef Therkildsen naapertorlugu INI A/S-ip attartortuisa kiassarnermut immikkut akiligassinneqarneri isumaqatigiissummik innarliilluinnarpoq: 

- Taamaattumik Inissiaatileqatigiiffimmik piginnittut, tassalu namminersorlutik oqartussat,  apererusunnarput qaffaanissaq isumaqatigiissutit naammassereernissaannut piaaralutik utaqqissimaneraat?

Inissiat tamaasa kiassarnermut uuttuutilersikkusuppai
SIK-p siorna siunnersuuteqarnerasuut sulisut kattuffiat isumaqarpoq akiligasseeqqittaarnermit nuanniitsut pinngitsoorteqqullugit inissiani tamani kiassarnermut uuttuutilersuisoqartariaqartoq 'ilaqutariimmi taakkunuunatigut periarfissinneqassagaluarmata takusinnaassallugu kiassarnermut namminnerpiaq qanoq atuisimanertik'. 

- Attartortunut ilimaginngisaraluarminnik akiligasseqqinneqarujussuartunut naaffeqartumik akilersuinissamik aaqqissuussisoqartariaqarpoq, Josef Therkildsen oqarpoq.

Naaffeqartumik akilersuinissamik periarfissat INI-mi misissorneqarput
Apriilip 10-ani Sermitsiaq.AG-mi allaaserisaq 'Inimi attartortut akiligassamik quarsaartitaapput' INI-mi attaveqarnermut pisortaq Else Løvstrøm ilaatigut aviisimut ima oqarpoq: 

- Ilisimavarput amerlasuut annertumik immikkut akiligassinneqarsimasut. Maanna misissorparput inatsisitigut tunngavissaqarnersoq piffissaq sivisunerusoq atorlugu naafferaalluni akilersuisitsinissamut – immaqa ukioq ataaseq angullugu.

- Attartortut aningaasaqarniarnerat innarlernaversaarusupparput taamaattumik naapertuuttumik aaqqiissuteqarnissaq misissorparput inuit ilaasa inigisamit anisitaanissaat pinngitsoorniarlugu, attaveqarnermut pisortaq nangilluni oqarpoq

INI-mi attartortut aqagu tallimanngornerutinnagu inissiaatileqatigiiffimmut saaffiginnissapput naaffeqartumik akilersuinissartik kissaatigigunikku.

Uani sapaatit akunnerani AG-mi ilaatigut allaaserisaq "INI: Uagut pisuussutiginngilarput" atuarsinnaavat. Aviisi uani pisiarisinnaavat:  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER