Skip to main content

TV: Peqqiillioruit akeqanngitsumik sianersinnaavutit

Peqqiilliortillutit oqarasuaammut akiligassaqalernissat ernummatigissanngilat, naalakkersuisooqatigiinngortut neriorsuipput

Quersorputit peqqiilliorlutillu. Qanoq innerit paasiniarumallugu imaluunniit nakorsiarnissannut piffissamik inniminniiumallutit nakorsiartarfimmut sianerniarlutit aalajangerputit. Akissaqarnerputilli? Tusassit naammattumik imaqarpa?

Peqqiilliortillutit immaqa taamatut eqqarsartarputit. Tamanna atorunnaassasoq naalakkersuisooqatigiinngortut Partii Inuit, Atassut aamma Siumut isumaqarput. Nakorsiartarfimmut akeqanngitsumik sianersinnaaneq naalakkersuisooqatigiinnissamik isumaqatigiissummi anguniakkanut ilaavoq.

Tamannali qanorpiaq iliornikkut piviusunngortinneqassava? Aningaasat suminngaanniissappat, aamma suliniummi sipaarniutit sumik eqquissappat?

Peqqissutsimut Attaveqarnermullu naalakkersuisoq Steen Lynge, Atassut, Sermitsiaq.AG-mit tamatuminnga aperaarput.

Videokkut apersuinermi akissut takuut. Apersuinerup kalaallisoortaa 22 sekundinik sivisussuseqarpoq. Qallunaatoortaa sekundit 23-ssaanni aallartippoq.

Nakorsiartarfimmi atorneqarsinnaasumik akeqanngitsumik oqarasuaateqareerpoq - kisianni Nuummiinnaq. Taanna juulip qulingiluaani 2009-mi atuutilersinneqarpoq. Oqarasuaalli akeqanngitsoq atorsinnaassagaanni nammineerluni orniguttariaqarpoq. Taava innuttaasutut allatulli nakorsamut sianertoqarsinnaavoq.

– Innuttaasut sapinngisamik pitsaanerpaamik kiffartuukkumallugit nakorsiartarfimmi peqqinnissakkut sulisunik sapinngisamik pitsaanerpaamik atuinissaq sulissutigiuarparput. Periaatsimi nutaami tamatumunnga ikiorneqassaagut, nakorsaaneq Jesper Olesen oqarasuaatip akeqanngitsup oqarasuartarnerullu nutaap eqqunneqarnerannut atatillugu juulimi 2009-mi oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER