Skip to main content

Sillimartaaritsi

Siunissami Atlantikup avannaa qulaallugu timmisartortarnissani silaannaap aalaruluttarneri sakkortunerusut naammattoorneqartalissapput. Taamatut DMI-mit allaaserinnittoqarpoq

Timmisartut ilaasunik angallassisartut siunissami sila kiannerulerpat Atlantikup avannaata qulaani silaannaap aalaruluttarneri akulikinnerusumik sakkortunerusullu aqqutigissalissavaat. Ukiumut inuit timmisartullu ajoqusertarnerat maannakkut million koruunerpassuarnik naleqareerput. Taamatut DMI-mit allaaserinnittoqarpoq.

Silaannarissumi silaannaap aalaruluttarneri, amerlanertigut tuluttut »clear air turbulence'«-imik (CAT) taaneqartartut, silap kiannerulernerani ukiukkut qanoq allanngortarnersut tuluit ilisimatusartut misissorsimavaat. Atlantikup avannaani allorniusat avannarliit sanimukartut 50-ata (Paris) aamma 75-ata (Svalbard) akornanni aamma allorniusat avannarliit killiit sanimukartut qulingata (Dublin) aamma 60-ata (Newfoundland) akornanni aalaruluttarnerit silap kiannerulernerani ukiukkut allanngortartut misissuinerit ilimanarsisippaat.

Sumiiffinni taakkunanerpiaq ukiup qaammataani CAT sakkortusisartoq tamannalu ilutigalugu silannaap aalarulerunneri 40 procentiniit 170 procentit tikillugit sakkortuseriartartut akuttussusiat akulikinnerulersimasut angusat takutippaat.

CAT-imi allanngornerit annertunersaat nunarsuup affaani avannarlermi pisarput. Allanngornerit timmisartut Atlantikup avannaanitigoortartut avannarpasinnerusukkoortalernerannik pissuteqarneruvoq. Tamatumani timmisartortartut silaannaap aalarulunnerisigut sakkortunerusutigut nalinginnaasumik 11 aamma 13 kilometerit akornanni portutigisukkoortarnissaat akulikinnerusussaavoq.

CAT timmisartunut ilaasunullu navianarsinnaavoq. Taamaattumik CAT sumi pinngortarnersoq qanorlu sakkortutiginersoq siulittorsinnaanngussallugu pingaaruteqartorujussuuvoq. Tamanna silap qanoq innissaanik siulittuisarnerni suliassaavoq unammillernartorujussuaq, tassami CAT silaannarmi maligaasat 100 meteriniit 2 kilometerit tikillugit annertussuseqartut paatsiveqanngiusartumik aalaruluttarmat. Silaannarsuarmi patajaatsuunngitsut CAT-imik aallartitsisartut qanorlu sakkortutiginissaannik aalajangiisuusut iternga tikillugu ilisimasaqarfiginngilavut.

Tuluit ilisimatusartut misissuinerminni missingiissutit assigiinngitsut 21-t atorsimavaat, tamakkulu tamarmiullutik assigiimmik takutitsisimapput. DMI-mi CAT-mik missingiissutit marluk DMI-mi ilisimatusartunit ineriartortinneqarsimasut atorneqarput tamakkulu missingisuussutinit 21-iusunit taaneqareersunit assigiinngissuteqarput.

Tuluit ilisimatusartut immap qulaani silaannaap takussutissartaanit angusaat eqqortuuppata tamanna Atlantikup avannaata qulaani timmisartukkut angallannermut kinguneqarujussuarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER