NASA atuartitseqatigalugu
Nunarput kujataaniit Ilulissanut timmisartumik qulaavaallugu NASA-mit assiliortorneqaqqammerpoq
Sermeq Ilulissat eqqaanniittoq allanngoriartorpoq. Sermit iigartartut siusinnerujartuinnartumik iigartalerput.
Tamanna kisitsisini nutaarluinnarni NASA.gov-imeersuni takutinneqarpoq.
Ilisimatusartut ingeniørillu sermersuarmik qulaaniit misissueqqissaarsimasut ilaasoralugit NASA-p Nunarput kujataaniit Ilulissanut apriilip sisamaaniit aqqaneq-aappaanut timmisartumik qulaavaavaa. Ukioq mannalu apriilimi nunatta uissuumminaannartumik upernajaarfigisaani Kangiani sermip iigartarneri akulikinnerusimapput.
Ilulissat Isbræmik taaneqartartup sermimik 200 meterimik ilanngarsimanera Sermeq Kujallermi apriilip sisamaani uuttortaanernit siullernit apriilillu qulingani uuttortaasoqaqqinnerani kisitsisinit takutinneqarpoq.
Ulluni arfinilinni ilisimasassarsiortoqarnerani silagissorujussuuvoq paasissutissarpassuillu suliarineqartussanngortut katersorneqarput. Angalanermi ullunik arfinilinnik sivisussuseqartumi ilaatigut ilinniartitsisunik ilaasoqarpoq, paasissutissallu Illinoisimi, New Hampshiremi Californiamilu atuarfinni atuartunut 156-inut internettikkut atuartitsinermut tunngavigineqarput.
Nunarput qulaangiuaarlugu timmisartornermit videoliaq takusinnaavat uani