Skip to main content

Tusagassiuut: London Miningip pisortaa tatineqarluni ingerlatseqatigiiffimmiikkunnaarpoq

Berlingske Tidendemit paasissutissiissutit naapertorlugit London MIning Greelandimi pisortap Xiaogang Hup ingerlatseqatigiiffimmiikkunnaarnera Naalakkersuisunngortunit nalunaarutinut attuumassuteqarpoq

London Mining Greenlandimi pisortaq Xiaogang Hu pisortatigoortumik »inuttut atukkani pissutigalugit« ingerlatseqatigiiffimmiikkunnarnerminik oqaluttuarami eqqortoq saneqqutilaarpaa.

Tassa sisamanngornermi Berlingskemi saqqummertumi ilanngutassiap pingaarnersaa taamatut nipeqarpoq.

Aviisimi allaaserisaq naapertorlugu pisortap tupaallannartumik ingerlatseqatigiiffimmiikkunnaarnera Naalakkersuisunngortut nalunaarutaannut atumassuterqarpoq, tassami Naalakkersuisunngortut aatsitassat kaaviiaartinneqarnerat tunisassiarineqarnerallu akitsuusersorneqassasut aamma suliniutit angisuut pillugit inatsit sukaterneqassasoq nalunaarutigimmassuk.

Tassalu suliniutit marluusut taakkorpiaat, Berlingske naapertorlugu, pissutaaqataallutik  Xiaogang Hu maannakkut London Mining Greelandimi pisortaajunnaarpoq taamaalillunilu aatsitassarsiorfimmi Nuup Kangerluani saviminissamik aatsitassarsiorfiliornissamik pilersaarutinut siuttuujunnaarluni.

»London Miningip pisortaa suliunnaarpoq« atuaruk

Pisortap ersissutigisaa
Berlingskemi isummersuutinik uppernarsaataasumik paasissutissiissup kinaanera aviisimit nalunaarutigineqanngilaq kisiannili aviisimi »politikkikkut siunniussat nutaat pissutaallutik pisortap Kinami inunngorsimasup qanigisaa naapertorlugu Xiaogang Husip suliniunnaarneranut pissutaanerpaasut« allaaserineqarpoq.

 

Xiaogang Hu aamma London Mining saviminissamik piiaaffissamik sananissaminnut ukioq ataasingajak Kalaallit Nunaanni oqartussaasut akuersissuteqarnissaat utaqqisimavaat, tamannalu Berlingske naapertorlugu Xiaogang Hup »ersissutigisaa« tassaavoq aatsitassarsiornissamut akuersissutip sivisuumik utaqqineqarnissaa taamaalillunilu siusinnerpaamik 2015-imi tunniunneqarsinnaalluni, tamatumani Naalakkersuisunngortut suliniutit angisuut pillugit inatsisip aamma aatsitassarsiorfinni tunngaviusumik atugassarititaasut allanngortinneqarnissaat nalunaarutigimmassuk pisortaq suliniunnaarpoq.

- Qasusuilluta ingerlaqqissaagut aamma ullut marlussuit tulliuttut qaangiuppata Londonimi qitiusumik allaffeqarfitsinnit nalunaaruteqarumaarpugut, London Miningi Greenlandimi paasissutissiisarnermut pisortaq Kaj Kleist Berlingskekkut oqarpoq.

Xiaogang Hu ukiut sisamaat qiteqqullugu Isukasiani suliniummi siuttuuvoq. Berlingskekkut imaluunniit Sermitsiaq.AG-kkut apersorneqarumasimanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER