Finn Karlsen aningaasaqarnermut ataatsimiititaliami siulittaasunngorpoq
lnatsisartuni ataatsimiititaliani ataavartuni ilaasortat toqqarneqarpoq ataatsimiititaliallu pissaaneqarnersaanni aningaasaqarnermut ataatsimiititaliami Finn Karlsen Siumumeersoq siulittaasunngorpoq
Siornatigut Atassummi siulittaasoq Finn Karlsen aamma Atassutip maanna siulittaasua Gerhardt Petersen aningaasaqarnermut ataatsimiititaliami tamarmik ilaasortaalerput taamalu Naalakkersuisut aningaasanik aqutsinerat nakkutilleeqataaffigissallugu. Tassani Finn Karsen siulittaasutut qinerneqarpoq.
Ilaasortat allat tassaapput Evelyn Frederiksen, Siumut, Jens Imanuelsen, Siumut, Maliina Abelsen, IA, Hans Aronsen, IA aamma Naaja Narthanielsen, IA.
Inatsisartuni ataatsimiititalianut ataavartunut aamma qinersisoqarpoq taakkulu ingerlaannaq inissitsiterput. Taakku ilagaat kukkunersiuinermut ataatsimiititaliaq. Tassani ilaasortat tassaapput Kristian Jeremiassen, Siumut, Anders Olsen, Siumut, Lars P. Mathæussen, PI, Kuupik V. Kleist IA aamma Palle Christiansen Demokraatiniit.