Skip to main content

Nukissiorfiit kingumut angusarissaartoq

- Nukissiorfiit 2012-imi ukiumut aningaasaqarfiusumi angusaat assut naammagisimaarnartumik inissisimapput, nukissiuteqarnermut pisortaq, Henrik Estrup, oqarpoq ukiumut naatsorsuutit tamanut saqqummiunneqarnerisa kingorna. Sinneqartoorutit 46,5 millioner kroner

Siorna ukiuunerani issinnerata nassataanik kiassarnermi kaaviiaartitat pingaarnerpaajullutik Nukissiorfiup ippassaq pingasunngornermi ukiumut naatsorsuutinik saqqummiussinermini kisitsisit pitsarluinnaat takutissinnaavai. 

- Pingaarutilik alla tassaavoq sulisut suliaqarujussuarsimanerisa kingorna ingerlatsivimmi atorfilinnut atortussianullu aningaasartuutit appariarujussuarsimanerat. Suliniuteqarnerup inernera 2012-imut ukiumut naatsorsuutini saqqummersuni takuneqarsinnaavoq. Nukissiornermik ingerlatsiviup 2012 anigorpaa 46,2 millioner koruuninik sinneqartoorluni.

- Ingerlaavartumik aningaasaqarnermi pissutsinut piviusunut ingerlatsiviup maannakkut inissisimaneranut nalimmassariartorparput. Tamanna aaqqissuussinermi allanngortiterinernik arlalinnik nassataqarpoq, ilaatigut sulisunik ikilisaanermik nassatalimmik kisianni taamaasiornissaq pisariaqarsimavoq, nukissiuteqarnermik pisortaq Henrik Estrup oqarpoq.

2012-imi kaaviiaartitat 2011-imit 74,9 millioner koruuninik amerleriarput allatut oqaatigalugu 9,6 procentinik. Kaaviiaartitat qaffariaativiat 67 millioner koruuniupput. Taakkunannga 55 mio. koruunit, imaluunniit 82 procentit uuliap akiata qaffakkiartornerata nassataanik akinik qaffanneranneersut. 12 millionit allat tunisaqarnerunermik nassuiarneqarput. 
- Nukissiorfiit aningaasarsiornera silap nikeranneranut malussajavoq. 2012 nillerpoq kiammik atuinerunermik nassatalik, Henrik Estrup nassuiaavoq.

Aningaasartuutit 2011-mut naleqqiullugit, 2012-imi 19,1 millioner koruuninik appariarput - imaluunniit 5,8 procentimik pitsanngoriarput. Ilaatigut sulisoqarnermut aningaasartuutinik apparsaanikkut ingerlanneqarpoq. 2011-mi Nukissiorfimmi sulisut 392-iupput. 2012-imi 369-inut ikileriarlutik assigalugu 5,9 procent. 

- Ikilisaanerup nassataanik sulisut nutaanik suliassinneqarput allanillu suleriaaseqalerlutik. Taakkua pikkorilluinnartumik naammassineqarsimapput, Henrik Estrup oqarpoq.

2012-imi Nukissiorfinni naatsorsuutit inernerat naammagisimaarneqarpoq -17,4 millioner koruunit. Ingerlatsinermi aningaasartuutit 63,9 millioner koruunit naatsorsuusiorneqareernerisa kingorna ingerlatsiviup nammineq pigisai tassaalerput 46,5 millioner kroner.

Nukissiorfiit sanaartukkanut aningaasaliissuteqarsimavoq malunnaatilimmik, pingaartumik imermik nukissiorfiit ingerlatsiviup aningaasaqarneranut malunniuteqarput. 2012-imi 416 millioner koruunit atorlugit sanaartukkat assigiinngitsut annerusut minnerilluunniit 120-t aningaasalerneqarsimapput. 2012-imi Nukissiorfiup innaallagiaq pilersitaata 61 procentia imermit nukissiornermit pinngorpoq. Ilulissani nukissiorfik ukiaru atulerpat kisitsisit 70 procentimut qaffannissaat naatsorsuutigineqarpoq.

Siunissaq eqqarsaatigalugu ingerlatsiviup aningaasaqarneranik aqutsineq isiginiarneqassaaq. 2013-imi sipaarutissat 32,2 millioner koruuniunissaat naatsorsuutigineqareerpoq, tassani 2011-mi aningaasartuutit aallaavigineqarput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER