Skip to main content

Danmark aatsitassat tungaatigut tatineqartoq

Nunarsuaq tamakkerlugu aatsitassanik amigaateqarnerup nassataanik Danmarkimi ilisimasanut katersivimmik pilersitsisoqalerpoq, ukiuni tulliuttuni naalagaaffiup atugarissaarnermi atortorissaarutiliassanik sassiliuniarnissami sakkussatut atugassaminik, Berlingske allappoq

- Danmarkip ilisimasaqarluarnerpaajunissaa pingaaruteqaqaaq aamma aatsitassanik pissarsiniarnermi pissaaneqarneqqisaanerup nassataanik aaqqiagiinnginnernik qulaajaasinnaanermut.

Taama oqarpoq klima- aamma energiminister Martin Lidegaard, Berlingskemut Danmarkimi Aatsitassat akoorutissallu pillugit ilisimasaqarfimmik ammaasoqarneranut atatillugu. Ilisimasanik katersivik qallunaat pisortaqarfiinik, suliffeqarfiinik aamma tunisassiornermik ingerlatsiviinik aatsitassat silarsuaannik ilisimasanik tunngaviliissaaq illersorneqarsinnaasumillu ingerlatsinermut qulakkeerinnissalluni.  

- Ukiuni 25-ni tulliuttuni nunarsuarmi innuttaasut akunnattumik isertitallit 3 milliardinngussaagut, aatsitassanik sunilluunniit piumasaqarneq malunnaatilimmik qaffassaaq. Nunanut tamaginnut aamma Danmarkimut  pingaaruteqarluinnassaaq aatsitassanik naammaginartumik akilinnik pissarsisinnaanissaq, klimaminister Martin Lidegaard, R, oqarpoq ilisimasanik katersimmik pilersitsinerup tunuliaqutaatut.

Aatsitassat pillugit ilisimasanik katersivik maajip aallaqqaataani ammassaaq Danmarks og Grønlands Geologiske Undersøgelser, GEUS-ip ataani inissisimasussaq.

Martin Lidegaardip erseqqisaatigaa, ilisimasanik katersivik pilersinneqanngitsoq nunarsuup sinneranit Kalaallit Nunaanni aatsitassat soqutigineqarnerujussuisa nassataannik.  

- Soorunami Kalaallit Nunaat oqallinnermi ilanngunneqartoq, taanna Bertlingskemut oqarpoq ilumoornerarlugu, kalaallit uranitalinnik piiaanissaat piiaassannginneralluunniit sillimaniarnermi politikkimi ajornartorsiutinik assigiinngitsunik saqqummiisinnaasoq.  

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER