Nuummi sanaartugassanik pilersaarutit siariarujussuarnerupput

Kommuneqarfik Sermersuumi borgmesteri Asii Chemnitz Narupi IA-meersup Nuummi sanaartornissamik pilersaarutai annersuut Nuummi sulisitsisut peqatigiiffiata siulittaasuanit ilassilluarneqarput.

- Siullermik neriunaateqarpoq ukiuni tallimaniit arfineq marlunnut inissiassat nutaat 800-t sanaartorneranni isumaginninnikkut ajornartorsiutit annertuut inissaalerinerujussuarmik aallaaveqartut aaqqinneqarsinnaasut. Aapaatigut aalajaatsumik sanaartorneq suliffeqarfippassuarnut sulisuinullu suliffissaqartitsissaaq. Ilaatigut aamma inuusuttut arlaqartut ilinnialernissaminnut periarfissaqassapput tamannalu namminermini aamma inuiaqatigiinnut naliitsumik iluaqutaassaaq, Nuummi sulisitsisut peqatigiiffiani siulittaasoq Kristian Kilimé oqarpoq.

- Kommuni pisariaqartitsinermik, aningaasaliinissamik sumilu inissiinissamik sukumiisumik piareersarsimarpasimmat nuannerpoq. Tamanna piviusunngortitsinissamik tatiginnilersitsisivoq.

Nuannaarutigaa siunissaq ungasissoq isigalugu sanaartornissarmik pilersaarusiornissamik inuussutissarsiortut kissaataannik Asii Chemnitz Narup tusaaniaarsimammat. Tamanna suliffeqarnikkut suliniaqatigiiffinni ukiorpassuarni ujartorneqarsimavoq

Læs også: Asii: 800 nye boliger til Nuuk

- Pilersaarusiornerlunneq minnerunngitsumillu suliffeqarfiit peqatigalugit ataqatigiissaarinnginneq arlalitsigut kinguneqartarsimavoq sanaartortut nikerarnerujussuarmik nalaataqartarlutik suliassaqarpallaarujussuariarlutik suliassaaruttarlutik. Najukkamilu inuussutissarsiortut pilersaarusioqatiginerinerisut ukiuni arlalinni sukkanerusumik sulisoqarsinnaavoq, naammassisinnaasallu annertusillutik, taamannalu aamma suliniutit akikinnerulernerannik kinguneqarpoq.

- Nalunngilarput ataqatigiissaarisoqartannginnera nunatsinni sumiiffinni allani taamaattunik sulialinnut ajornartorsiutaasartoq, taamaattumik Nuup aqqutissiuussinera pitsaasuuvoq, Kristian Kilimé oqarpoq.