Skip to main content

Meeqqat qimussillammattaat

Avannaata Qimussersuaqarnerani meeqqat sukkaniunnerat tallimanngornermi ualikkut pivoq. Angusat takukkit

Avannaata Qimussersuani meeqqat sukkaniunneranni 15-it peqataapput Ilulissallu silatinnguaniittoq Narsarsuaq sermerasaaqisoq sukkaniuffigalugu. Meeqqat Saqqaq/Qeqertamiit, Ilulissaniit Qasigiannguaniillu aggersuupput.

Gustav Broberg Saqqaq/Qeqerta-miit meeqqani siullersaalluni Avannaata Qimussersuani ajugaavoq Narsarsuaq minutsit sisamat sekundillu 52-it ingerlaffigigamiuk. Tullersortigaa Nuka Hansen Ilulissaneersoq taassuma Narsarsuaq minutsini sisamani sekundinilu 57-ni ikaarpaa. Pingajuuvoq Samson Grønvold Qasigiannguaneersoq minutsini sisamani sekundilu 58-ni ingerlasoq.

Tassa minutsilersuinikkut unammipput minutsinik marlunnik akunneqartarlutik tulleriiaarlutik aallartinneqarlutik.
Sapaatip akunnerata naanerani kingullermi Ilulissani issangiarujussuarnerani Narsarsuaq aputaaruppoq. Tamannalu aamma pissutigalugu inersimasut Avannaata Qimussersuani unamminissaat minutsilersuinikkut pissaq siulliillu arfininngorneq martsip 23-at ullup qeqqanut aallassapput.

Inersimasut
Qaqqaq Akinnaq aputilersorneqarsimavoq arlalinni sermiinnanngorsimagaluartoq. Taamaattoq suli ingerlarsorluni sisuffigissallugu ulorianarpallaarpoq. Taamaammat piffissalersuut Akinnaap qaavani unitsinneqassaaq.

- Akinnaaq sukkaniuunnatik tamarmik sisuffingereerpassuk Narsarsuarmut ajugaaqqammersoq siulliulluni tikissooq, tulliusullu aamma taamatut, taamaalilluni kimittussuseq sapangivinneqannginniassammat, Kalaallit Nunaanni Qimussertartut Kattuffianniit Mikkel Jeremiassen nalunaarpoq.


Aajuku meeqqat angusaat:1 Gustav Broberg Saqqaq/Qeqertaq 4:52:98
2 Nuka Hansen Ilulissat 4:57:14
3 Samson Grønvold Qasigiannguit 4:58:65
4 Ejner Lukassen Ilulissat 5:10:44
5 Pilutaq Sandgreen Ilulissat 5:29:51
6 Tony Hansen Ilulissat 5:36:14
7 Nuka Inuk Svendsen Ilulissat 5:40:85
8 Rene Svendsen Ilulissat 5:45:91
9 Taatsiaq Sandgreen Qasigiannguit 5:46:78
10 Aputsiaq Jakobsen Ilulissat 5:53:95
11 Leo Sandgreen Qasigiannguit 5:58:63
12 Salik Fly Ilulissat 5:58:69
13 Niels Jakob Jørgensen Ilulissat 6:04:27
14 Inutsiaq Olsen Ilulissat 6:27:10
15 Magnus Jensen Ilulissat 7:02:74

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER