Skip to main content

Air Greenland 2012-mi angusani naammagisimaarpai

Nunatsinni timmisartuutileqatigiiffimmi siulersuisut siulittaasuata ukiumut naatsorsuutit inernerat akileraarutit akilernagit 106,8 millioner koruuniusut 'naammagisimaarpai' 

Air Greenlandimi ingerlalluarput.

Taamak timmisartuutileqatigiiffiup ukiumut 2012 naatsorsuutinik saqqummiussinerminni inerniliussaa nipeqarpoq, taanna saqqummiunneqaqqammerpoq.  

Suliffeqarfissuaq Air Greenland 2012-mi akileraarutit piinnginnerini 106,8 millioner koruuninik sinneqartoorpoq. Akileraarutit peereerlugit angusat 71,4 millioner koruuniupput. Ukiumut siulianut sanilliullugit qaffariaatit 31,9 aamma 20,1 millioner koruuniupput. 

2012-mi angusat siulersuisunit naammagisimaarneqarput. 

- Angusarissaarneq arlalinnik peqquteqarpoq. Aningaasartuutit nalikilliliinerillu malunnartumik appariarput, ilaatigut timmisartuutit assigiinngitsut ikilinerisigut aammalu nunatta iluani ilaasunik angallassissutitut DASH7-niit DASH8-nut ikaarsaarnikkut.  DASH 7-it marluk tunineqarnerini ataasiaannartumik isertitat 16 millioner koruuniupput. Ingerlatsiviup timmisartuutaata Airbus 330-p piffissap attartornerup naanerani akigititassatut isumaqatigiissutigineqartoq atorlugu pisiarineqarnissaanik ingerlatsiviup akuersinerata kingunerisaanik, timmisartup attartorneranut aningaasartuutit appartinneqarput, Jens Wittrup Willumsen siulersuisunit nalunaarpoq.

Taamaattumik ingerallluarpugut. 
Angusarissaarnermut pissutsit arlallit tunngaviunerarpai: 

 

2012-mi DASH 8 nunatta iluani ilaasunik assartuinermut pingaarnertut atorpoq, DASH 7-mullu taartitut pitsaasutut nalilerneqarpoq. Ingerlatsiviup timmisartumi issiaviup ataatsip km-mut naatsorsorlugu aningaasartuutaasartut appartinnissaat anguniarpaa, tamatumanilu DASH 8-mik pisinerup iluaqutaanera erserpoq. Ilaasunullu pingaartumik malunnaataavoq timmisartup taassuma sukkanerullunilu akulikinnerusunik atorneqarsinnaanera. 

- Ilaasut amerlerialaarsimapput, tassa Air Greenlandimut ilaasut amerlassusaat allanngungaarsimanngillat. Timmisartunik attartortitsineq 2011-mut sanilliullugu appariarfiuvoq, minnerunngitsumik aatsitassarsiornermik ingerlatsinissamik kissaateqartut oqartussanit pisinnaatitaaffinnik pisussaaffinnillu erseqqissumik tusarlerneqarsinnaannginnerisa nassataanik suliassanik kinguartiterinerinik peqquteqartumik, Jens Wittrup Willumsen tusagassiivinnut allappoq.

Sinneqartoorutit akileraarutit suli ilanngaatiginagit 106,8 millioner koruuniusut qulakkiissavaat Air Greenlandip siunissamut aningaasaliissutigisassai taamaaliorluni ingerlatsiviup unammillersinnaasumik ingerlatsiuaannarnissaa qulakkeerneqassammat, aamma imaani uuliasiorneq eqqarsaatigalugu, siulersuisut siulittaasuat ilisimatitsivoq. 

Air Greenlandip 2012-imut ukiumut nalunaarusiaa takujuk allaaserisami assip aappaa toorlugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER