Skip to main content

Ullugissaaraangatta illartarpugut

Kalaallit Nunaat pillugu aallakaatitsineq qanoq tulluussimaarutigisinnaatigivarput? Taama aperivoq TV2-mi Presselogen, sapaatit akunnerani pisimasut nalilersorlugit

- Ullugissaaraangatta Danmarkimi tusagassiuutit kukkussutaat illaatigisarpavut. Ullulukkaangatta uppernarsineqaannartarpoq nunatta oqaluttuarisaanera, naalakkersuinermik pissutsit kulturialu qallunaat qanoq ilisimasaqarfiginngitsigineraat. 

Taama TV2-mi Presselogenimit sapaammi ullaakkut Københavnimi nunatta aallartitaqarfiani pisortaq Tove Søvndahl Pedersen. 

Tamanna pivoq tusagassiuutit sisamat Politiken, TV2, EkstraBladet aamma Information Inatsisartunut qinersineq pillugu nalilersuimmata.

Aatsaammi siullermeertumik marlunngornermi marsip 12-ani Inatsisartunut qinersineq Danmarkimi tusagassiuutit taama sammitigaat. Aatsaallu taamma kukkoqattaartigalutik. Erfalasorput kussanngaartinneqarpoq, bussilu nunatsinni tamarmi angalaartoq qinersiartortunik ingerlatitsinerarneqarluni, nalinginnaasumillu nunatsinni sumi tamaani Kinamiorpassuaqarluni. 

- Soqutigineqarnerujussuarput nuannaarutigisimavarput. Neriussaangalu "Inatsisartunik" oqarneq "Dumaenimik" (Ruslandimi inatsisartut, aaqq.) "Knessetimillu" (Israelimi inatsisartut, aaqq.) oqarnertuullu pissusissamisuulertigissasoq, Tove Søvndahl Pedersen oqarpoq.

TV2 Newimi qinersinerup sammineqarnera nalilersorneqarpoq, Tassanilu takuneqarsinnaavoq Politiken 18-inik Informationilu 7-nik allaaserisaqarsimasut, DR aamma TV2 aallakaatitsisarlutik. Ekstrabladet qinersinermik sammisaqanngilaq.  

QInersineq naammassineqarpoq tusagassiuutillu utersimalerput. 

Anne Mette Svane Politikeninimeersoq Presselogenimi neriorsuivoq aviimi Kalaallit Nunaat annertunermik sammineqartalissasoq. 

- Pitsaanerusinnaavoq. Aalajangerparput Kalaallit Nunaat imminnut sammisanngortinniarlugu. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER