Skip to main content

Kuupiup qinersinerup inernera oqaasipiluuppaa

Danmarkimi aviisit ilaanni IA-p siulittaasuata Kuupik Kleistip Italiamiu Silvio Berlusconi alutornaqisoq Aleqa Hammondimut assersuuppaa. Borgmesterip Asii Chemnitz Narupip Aleqa Hammmond iluareqqusaarnerarpaa 

Ippassaq tallimanngornermi Weekendavisenimi allaaserisami takisuumi oqaasipiluttoqarlunilu oqaatsinik alutornartunik amigaateqartoqanngilaq. Tassani aviisip SIumup ajugaarujussuarnera ima allaaseraa: 

- Aleqa Hammond taamaallaat naalakkersuisunut siulittaasunngunngilaq. Aamma qinersisartut tallimararterutingajai tiguarpai. Tamanna Kuupik Kleistip angusimanngilaa. Danmarkimi naalakkersuinermik sulialik kinaluunniit Uummannami piniartup paniasuut taagorneqarsimatiginngisaannarpoq, Weekendavisen allappoq, tassanilu IA sinnerlugu Kommuneqarfik Sermersuumi borgmesteri Asii Chemnitz Narup  IA-miillu Kuupik Kleist qinersinerup inernera pillugu oqaloqatigineqarput. 

- Wauw – ministeriuneq arnaq. Qinersisut ilaat taama eqqarsarsimassajunnarsipput, Asii Chemnitz Narup oqarpoq isertuutinngilaalu isumani napertorlugu Aleqa Hammond qinersisartunit qujageqqusaarsorigamiuk. 

- Uagut qineqqusaartitatta pissutsit piviusut aallaavigaat neriorsuuterpassuaqaratillu, Asii Narup Chemnitz oqarpoq.

Neriorsuuterpassuillu Siumumiit amigaataasimanngillat, Kuupik Kleist isumaqarpoq. Aviisimut oqarpoq qineqqusaarnermi neriorsuuterpassuit imaaginnavissimasut Siumup naammassiuminaatsitassai: 

- Siumut kikkut tamarmik soraarnerussutisiaqalernissaannik neriorsuivoq inuit qanorluunniit isikkoqaraluarpata, killeqanngitsumik aalisarnissamik, uranisiornissamik pisuullu akeraannginnissaannik! Innuttaasunut qujageqqusaarluni qineqqusaarneq nuannarinngilara. Aningaasat suminngaaniit takkutissagamik? Allaanngilaq Italiamiut qineqqusaarnerat  Berlusconi kikkunut tamanut allalluni pigisaminnut akileraarut utertissagaat qinerneqaruni. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER