Skip to main content

Imigaasartorsimalluni biilertup nukappiaq aporaa

Biilertup nukappiaq sisamanngornermi unnukkut aporiarlugu qimaalluni aallarpoq. Ajutoorneq Nuummi Sipisaq Avannarlermi majuartarfissuit eqqaanni pivoq. Nukappiaq ajoqquserujussuartoq maanna peruluttunik katsorsaavimmi uninngavoq

Nuuk Politiit sisamanngornermi unnukkut angut 30-t qeqqanni ukiulik aalakooqisoq Nuussuarmi angerlarsimaffiani tigusaraat, nukappissamik Nuummi Sipisap majuartarfeqarfiata naqqani pisuinnaat aqqutaata nalaanni aporsisimaneranik unnerluullugu.  

Ajutoorneq sisamanngornermi unnukkut 20 miss. pivoq nukappissap majuartarfimmit ammut apuullunilu biilimit eqqorneqarpoq. Tamatuma kingorna biilertup qimaanissani aalajangiuppaa. 

Nukappiaq erngertumik Dr. Ingridip Napparsimavissuanut ingerlanneqarpoq tamaani paasineqarluni saarnginik napisoqarsimasoq ilumigullu ilungersunartunik ajoqquserneqarsimasoq. Peruluttunik passussisarfimmi ingerlanneqarpoq.

- Tupinnaannartumik annermik ajoqqusinngilaq, Nuuk Politiini pigaartoq Sermitsiaq.AG-mut oqarpoq.

Nuuk Politii ilisimatitsivoq, tallimanngornermi ullaakkut biilimik ingerlatsisoq suli tigummineqarallartoq, tamaani aaversippoq biilimik ingerlatsinermi nalaani aavata imigassamik qanoq angitigisumik akoqarnera paasiniarneqassagami, tamatuma saniatigut nalilerneqassaaq tigummineqarallassanersoq suliaq eqqartuussivimmi suliarineqarnissaata tungaanut.

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER