Skip to main content

Thorning Aleqap ajugaanera unnersiutigaa

Siumup qinersinermi ajugaanerata suliniutit angisuut pillugit inatsimmut qanoq kinguneqarnissaa oqaatigissallugu suli siusippallaarpoq, Thorning-Schmidt oqarpoq

Ministeriuneq Helle Thorning-Schmidt (S) Socialdemokratillu Danmarkimi qinersisartunik isumasiuinermi pitsaanngitsumik inissisimaleruttorfianni partii suleqatigisaa Siumut marlunngornermi Inatsisartunut qinersinermi siuariarujussuarpoq partiip siulittaasua Aleqa Hammond qinigaanerpaalluni. 

Tamannalu Helle Thorning-Schmidtip nuannaarutigaa:

- Soorunami nuannaarutigaara partii suleqatigisarput Siumut taama ingerlalluartigimmat. Kalaallit suli itersimanavianngillat, kisianni soorunami Aleqa Hammond ilisarisimalluagara sianerfigalugu pilluaqqussavara. 

- Takussavarpullu tamanna naalakkersuisunik nutaanik pilersitsiniarnermi qanoq kinguneqarumaarnersoq, Helle Thorning-Schmidt qinersinerup inerneranut oqaaseqaqqaarnermini oqarpoq. 

Qallunaallu ministeriunerat isumaqarpoq suli siusuppallaartoq isummerfigissallu qinersineq Kalaallit Nunaanni suliniutit angisuut pillugit inatsimmut qanoq kinguneqarumaartoq Danmarkimilu tassunga atatillug inatsisiliornissamut. 

- Kalaallit Nunaanni naalakkersuinik pilersitsisoqarnissaa naalakkersuisunngortullu suliniutit angisuut pillugit isummernissaat utaqqimaassavarput. 

- Tamannamiuna aamma peqqutigalugu Folketingimi inatsisissamik saqqummiussisimanngitsugut. Tamanna inuit ilaasa isornartorsiorpaat, takusinnaavarpullu Kalaallit Nunaanni qinersinerup kingornanut utaqqisimanerput silatusaarnerusimasoq. 

- Københavnimi inatsisissamik saqqummiussinissaq iluaqutaanngilaq inatsit tunngavigisarput allanngorsimassappat, Helle Thorning-Schmidt oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER