Skip to main content

Aajuna Naalakkersuisut siulittaasussaat

Naalakkersuisunngortitsiniarnermi Siumut siuttuusussanngorpoq. Siumut 14-inik qinigaatitaqarpoq, Inuit Ataqatigiit aqqanilinnik qinigaatitaqartut

Ulloq qinersiffik takisooq naammassimmat Siumut ajugaasutut nalunaarutigineqarpoq taasinerit 42,8 procentii pissarsiarigamigit. Siuariaat 16,3 procentiuvoq. Inuit Ataqatigiit 9,3 procentimik kinguariarput taasinerit 34,4 procentii pissarsiaralugit.

Inatsisitigut allassimanngikkaluarluni ileqquuvoq partiini anginersanngortup naalakkersuisunngortitsiniarnermi siuttuusarnera. Isumaqatigiinniarnerit aallartissapput politikerit sinereerpata qinersinermi taasinerit kisinneqarnerat utaqqiloorneqartoq unnuakkut nalunaaqutaq pingasut qeqqa qaangilaaraa qulingiluanngortoq naammassimmat.

Siumut 14-inik qinigaatitaqarpoq, Inuit Ataqatigiit aqqanilinnik qinigaatitaqartut. Partii Inuit, Demokraatit aamma Atassut tamarmik marlunnik qinigaatitaqarput. Kattusseqatigiit Partiiat Inatsisartunut qinigaasortaqanngilaq.

Ilimananngereerpoq
Inuit Ataqatigiit kinguariarnissartik aarleqqutigereersimavaat.

- Tamanna ukiut sisamat matuma siorna qinersinerup unnuaani oqaatigaara ilimagineqarsinnaanngitsoq 100 procentimik siuariarnerup attatiinnarneqarsinnaanera, Inuit Ataqatigiit siulittaasuat Kuupik V. Kleist oqarpoq.

Siumup suli oqaatiginianngikkallarpaa naalakkersuisunngortitsiniarnermi kikkut siulliullugit oqaloqatigineqassanersut.

- Siulersuisuunerit qinersinerup naammassineranik ilisimateqqaassavakka. Taamaasereerpat qanoq ingerlariaqqinnissaq avammut nalunaarutigiumaarparput, Siumup siulittaasua Aleqa Hammond oqarpoq.

Partiit mikinerit arlaat qiniinnarsinnaavaa Siumup amerlanerussuteqarnissaminik qulakkeerinissamini. Tamanna iluatsissappat nunatsinni siullermeerutaasumik naalakkersuisut arnamik siulittaasoqalissapput.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER