Skip to main content

Qineqqusaarutit annersaat?

Qineqqusaarluni neriorsuutit sorliit aningaasalerneqanngitsut eqqaamavigit

Ilulissani ivigaaqqanik arsaattarfik. Tusilartunut tappiitsunullu ilinniarfik. Sulinerup nalaani akeqanngitsumik timersorneq. Tasiilami timmisartoqarfik.

Qineqqusaarnerup nalaani qinerneqarnissamut neriorsuutit tamakku ilagaat. Immaqa illit amerlanernik eqqaamasaqarputit. Taamaassimappat tusarfigerusoqaatsigit. Sermitsiamit qineqqusaarluni sunik neriorsuisoqarsimaneranik assersuutinik katersivugut, kingorna sorliit akisunerunersut aallaavigalugit saqqummiukkumallugit. Taamaaliorluta takusinnaassavarput qineqqusaarutit suut piviusunngortinniarneranni akisunerpaajussanersut. 

Qinerneqarnissaq anguniarlugu neriorsuutit tassaapput qinersisartunut ajunngisaarluni neriorsuutit qanoq aningaasalersorneqarsinnaanersut taanngikkaluarlugu, qanoq piviusunngortinneqarsinnaanerat imaluunniit aningaasat tassunga atugassatut aasassat qanoq pingaarnersiortinneqassanersut. 

Assersuutigalugu ima isumaqarpoq, qineqqusaartut arlaat oqarsimappat 'Tasiilami timmisartoqarfiliortoqassaaq pissutigalugu innuttaasunut tamanna iluaqqutaassammat' - tassa taamaattut qineqqusaarnermi neriorsuutitut aningaasartaqanngitsutut taasavut.

Qineqqusaartulli assersuutigalugu mittarfik alla taasimappagu matuneqartussatut imaluunniit sanaartorneqartariaqanngitsutut Tasiilami timmisartoqarfiliortoqassammat, taamaattut neriorsuutitut akissaqarfigineqartutut isigaavut.

 

Qineqqusaarluni neriorsuutitnik aningaasartaqanngitsunik assersuutissaqaruit isummersorfimmi allagit imaluunniit nyvold@sermitsiaq.gl allaffigiuk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER