Angutit pingasut annanneqartut

Angutit pingasut umiatsiaaqqami mikisumi angalasut ullumikkut uumanertik pillugu qutsatigisariaqarpaat umiarsuup alapernaarsuutip Tritonip qulimiguuanit aamma politiit angallataannik ikiorneqaramik

Triton aamma Sisak Qeqertarsuatsiaannut ungasinngitsumi annaassiniaanermik iluatsilluartumik ingerlatsipput. Assi: Forsvaret

Sapaatip-akunnerata siuliani tallimanngornermut unnuaa umiarsuaq alapernaarsuut Triton radiokkut kalerrinneqarput. Angutit pingasut umiatsiami mikisumi Qeqertarsuatsiaanut apuuttussaasimagaluarput sulili apuunnatik. Triton maqaasineqartunik ujaaseqataanissaanut qinnuigineqarpoq sukkanerpaamillu sumiiffimmut aallarluni.

Illersornissamut sakkutooqarfik taama allappoq.

Ujaasinerli aatsaat iluatsippoq Tritonip umiarsuarmiittuutini qulimiguulik sinerissamut qanittumut aallartimmagu, umiarsuarmut Tritonitut angitigisumut pallinneqarsinnaanngitsumut ujaasiffigisillugu. Piffissami tamatumanerpiaq politiit angallataat Sisak ujaasinermik peqataalerpoq. Akunnerit arlallit qaangiummata qulimiguullip Sisaallu angallateeraq imartami sikutaqaqisumiittoq.

Angallatiniittut pingasut qulimiguulimmut qaqinneqarput kingorna politiit angallataannut ikineqaramik Nuummut ingerlanneqarpoq. Angalasut nakorsanit ikiortariaqanngillat naak qiiallutillu atugarlioraluarlutik ajunngillat.

Kingumut SAR-imik annaassiniarneq

Triton angutinik pingasunik annaassiniaaqquneqanngitsiartoq umiarsuaq Search and Rescue (SAR) ujaasinermik allamik ingerlatsipput. Angut inuusuttoq Qaqortumit ullaakkut aallarsimavoq puisinniarluni utersimaganili. Ujaasineq nalunaaqquttap akunneri arlallit ingerlanneqareersoq qujanatumik ajunngitsoq paasineqarpoq. Ujaarineqaleraluartup pilersaarutini allanngortissimavai allamulli oqaatiginagit.

Powered by Labrador CMS