Skip to main content

D: Siumut aamma Partii Inuit suleqatigissanngilavut

Demokraatit siulittaasuat Jens B. Frederiksen qinersinissamut ullut sisamaannanngortullu oqarpoq nammineq partiimi Siumut aamma Partii Inuit naalakkersuisunik pilersitseqatiginianngikkai

Demokraatit maannangaaq oqaatigisinnaanngoreerpaat Siumut Partii Inuillu suleqatigalugit naalakkersuisunngortitsinngilluinnarlutik, Inatsisartunut qinersineq marlunngorpat qaangiuteriarpat.

Taamak Demokraatit siulittaasuat Jens B. Frederiksen nalunaaruteqarpoq.

Demokraatit qineqqusaarpugut ammalluta anguniarlugu qinersereernerup kingorna amerlasuunik tunuliaqutaqarluta naalakkersuisunngortitsisinnaanissarput. Nassuerutigisariaqarparpulli qineqqusaarnerup -  saqqummiunneqartartullu –  paasisaqarluartimmatigut. Taamaattumik maannagaaq oqaatigisinnaavarput Siumut Partii Inuillu suleqatigalugit naalakkersuisunngortitsinngilluinnassagatta. Partiit taakku politikkikkut inerisimanngippallaaqaat siunissami atukkat pitsanngorsarniarlugit sukumiisumik naalakkersuisooqataalernissaminnut, Jens B. Frederiksen allappoq.

D: Fiisti tamaani naaffeqarpoq
- Eqqissiallannarsimagaluaqaaq qineqqusaarnerup aallartinnerani partiit tamarmik ammaffigisimammassuk amerlanerussuteqarluartut suleqatigiilersinnaanissaat. Atorfissaarupporli. Siumumiit oqaatigineqartartut takorluukkatullu tusarliunneqartartut ima tunngaveqanngitsigaat, piviusorsiunngitsigaat takorluuinertaqanngitsigalutillu  unneqqarilluta oqartariaqalersimalluta, naalakkersuisoqatigiinni suleqatigilersinnaanngilluinnarlutigit, Demokraatit siulittaasuat tutsiuppoq.

Jens B. Frederiksenip nalunaarutaa partiit allat akitsuutinut, aningaasaqarnermut, sanaartornermut aamma oqaatsinik atuinermut isummersuutaannit aallaaveqarput, taanna nassuiaavoq.

- Naggataatigut oqaatiginngitsoorusunngilara – ajornanngippat  - Siumut Partii Inuillu soorunami Inatsisartuni suleqatigerusukkatsigit, Demokraatini partiit taakku marluk naalakkersuisuni suleqatigilinngisaannartussaavagut, Jens B. Frederiksen.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER