Skip to main content

D: Kalaallinut qallunaatut oqaluttut kalaallisut ilinniartillik

Kalaaleqaterpassuaqarpugut qallunaatuinnaq oqaluttunik. Demokraatit sinnerlugit qineqqusaartup siunnersuutigaa kalaallit oqaasiinik ilinniartitsinerup arlalinnut agguataarnissaa – aamma Nunatsinni najugaqartuaannarusunngitsut eqqarsaatigalugit

Kalaalerpalukkaluarput taamaattoq kalaallisut paasisinnaanatik. Kalaallit taamatut inissisimasut oqaatsitsinnik ilinniarnissamut ikorfartorneqarnerusariaqartut Demokraatit sinnerlugit qineqqusaartoq Michael Rosing isumaqarpoq. Taanna aamma isumaqarpoq kalaallisut oqaatsinik ilinniartitsineq kukkusumik ingerlanneqartoq.

- Kalaallisut ilinniartitsinermi perorsaariaaseq maannakkut atorneqartoq tunngaveqarpoq tuluttut ilinniartitsinermi misilittakkanik. Kalaallilli oqaasii tuluit oqaasiinit allaaneroqaat. Taamaattumik kalaallit oqaasiisa sananeqaataannut eqqaanartunik oqaatsinik atuisut isumassarsioqatigisariaqarpgut soorlu Finlandimiut perorsaanikkut sanarfineqarluareersut ilisimatusarfigilluarneqareersullu, Demokraatineersoq Michael Rosing oqarpoq.

IT atorluartariaqarpoq
Michael Rosing aamma isumaqarpoq qallunaat nunatsinni najugaqaannavittussaanngitsut allaanerusumik kalaallisut ilinniartinneqartariaqartut aammalu kalaallit qallunaatut oqaluttut taakkunannga aamma allaanerusumik kalaallisut ilinniartinneqartariaqartut. Isumaqarpormi taakku marluk immikkoortillugit isigineqartariaqartut.

Oqarasuaatit angallattakkat smartphonet qarasaasiaaqqallu Ipadit inuppassuarnit pigineqalersut atorluarneqarsinnaasorai.

- Ullumikkut amerlaqisut qarasaasianik kaasarfimmioqarmata oqaatsinik ilinniartitsinikkut periarfissat siusinnerusumut naleqqiullugu tunngaviusumik allaanerulluinnarput. Aningaasaliisoqartariaqarpoq oqaatsinik ilinniartitsinermi tunngavissanut. Ordbogit, atuakkat grammatikilerissutit, qarasaasiami ikorfartuutit, tamarmik oqaatsinik ilinniarnermut oqilisaataasussaapput, Michael Rosing oqarpoq.

Siumup IT aamma atorluarusuppaa
IT-li atorlugu ilinniartitsineq kalaallisut oqaatsinut taamaallaat tunngatinneqartariaqanngitsoq Siumumeersoq Martha Lund Olsen isumaqarpoq. Taanna isuamarpoq isumaginninnerup iluani IT atorlugu ilinniartitsisinnaaneq eqqunneqartariaqartoq isumaginninnerup iluani ilinniarsimasunik sulisussaaleqineq annertummat.

- Suliamik ingerlatsisut perorsaasullu stressimik eqqugaallutillu sulinissaminnut nukissaaruttarput, tamatumalu malitsigisaanik sulisut suliffinnut allanut allanik suliaqalerfigisaminnut nuuttarput, taamaalillunilu suliamik ingerlatsisut taarseraattorujussuusarlutik. Taamaammat Interneti aqqutigalugu ilinniarsinnaanermik neqerooruteqarsinnaanerup pilersinnissaa pisariaqarpoq, pioreersut saniatigut annertusaanissaq pisariaqarluinnarmat, Siumut sinnerlugu Inatsisartut qineqqusaartoq Martha Lund Olsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER