Skip to main content

D: Tasiilami mittarfiliortoqarpat tamanna Tunumut siuarsaataassaaq

Tasiilami mittarfiliornissaq isumaqarluarpoq, Demokraatineersoq Justus Hansen, Tasiilameersuusoq, isumaqarpoq

Tasiilami mittarfiliornissamut arlalinnik pissutissaqarpoq.

Taama Inatsisartunut qinigassanngortittoq Demokraatineersoq Justus Hansen isumaqarpoq.

- Ilumoorpoq Tunumi angallattut amerlanerpaat Tasiilamut ingerlasarmata. Taamaattumik tulluassagaluarpoq tassani timmisartunut suluusalinnut mittarfiliortoqartuuppa. Aammami taannarpiaavoq Angallanneq pillugu Isumalioqatigiisitanit innersuussutigineqartoq, Justus Hansen oqarpoq.

Angallanneq pillugu Isumalioqatigiisitat nalilerpaat, Kulusummi timmisartunut suluusalinnut mittarfiup Tasiilamut nuunneratigut angallaviit taakku marluk akornanni angalanerit ukiumut 1.640-nik ikilineqarsinnaammata. Angallanneq pillugu isumalioqatigiisitat ilisimatitsissutigaat tamatuma assingingaa akunnerni 273-ni timmisartumik timmineq, qulimiguulimmilli timmitilluni piffissaq atorneqartoq marloriaataasarpoq, piareersarnermi apuunnermilu assigiinngitsunik piareersaatigineqartarmata.

Iluaqutissat arlallit
-Tamatuma nammineq takutippaa, ingerlatsinermi aningaasarpassuit sipaarneqartussaasut – Angallanneq pillugu Isumalioqatigiisitat nalilerpaat, ukiumut aningaasartuutit 6,8 millioner koruuninik ikilineqarsinnaasut – iluaqutaasussarli takuneqarneq ajortoq tassaavoq avatangiisit iluaquserneqarnissaat, aallartarnerit ikilippata silaannaq CO2-mik minnermik mingutsinneqartussaammat, Tasiilameersoq Justus Hansen erseqqissaavoq.

- Aamma isiginngitsuusaarneqarsinnaanngilaq Tasiilamut toqqaannartumik attaveqalernerup Tunumi takornariartitsineq siuarsartussaammagu. Takornariartitsisartut namminersortut aamma Destination Eastgreenland piareersimapput sulissutigissallugu inuiaqatigiit iluanaarutissaasa suli annerulernissaat Angallanneq pillugu Isumalioqatigiisitat taggitaannut naleqqiullugu, politikeri Demokraatineersoq oqarpoq, Tasiilamilu mittarfiliornissamut amerlanerussuteqartunik pilersitsiniarnissap ilungersunarnissaa nassuerutigalugu.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER