Skip to main content

Lars-Emil: Inuinnaat naalakkersueqataanerannik mitaatiginninneruvoq

Imarsiornermik Ilinniarfiup Paamiuniit nuunneqarnissaanik pilersaarutiteqarneq piaarnerpaamik unitsinneqartariaqarpoq, Siumumiit Lars-Emil Johansen isumaqarpoq

Imarsiornermik Ilinniarfiup Paamiuniit nuunneqarnissaanik Nuummilu imarsiornikkut ilinniarfiit katersuunneqarnissaannik naalakkersuisut isummersimanerat pillugu akerleriinneq ingerlaqqippoq. 

IA-mi SIumumilu naalakkersuinermik suliaqartarsimasut ilinniarfiup nuunniarneqarnera kamassutigaat kipiluttunartillugulu, maannakkullu Siumumiit Lars-Emil Johansenip ilinniarfiup nuunnissaa assuarineqaqisoq qineqqusaarnermut ilannguppaa. 

- Imarsiornermik Ilinniarfiup nuunniarneqarnera unitsilli, Lars-Emil Johansen allappoq.

Læs "Her er underskrifter mod skolelukning"

Inuinnaat naalakkersueqataanerannik asissuineruvoq
- Ullut tallimat qaangiuppata Nunatsinni Inatsisartunut qinersisoqassaaq. Taamaakkaluartoq Naalakkersuisuugallartut sutut tuaviuussassatut isigalugu piviusunngortipallanniarlugu ulappupput.

- Aalajangernerit ilaat illoqarfiit ilaannut inuerussaanertut isigineqartariaqarput. Innuttaasut oqartussaaqataanerannik mitaatiginninneruvoq qinersisoqalivinnerani aalajangernernik annertuumik sunniuteqartussanik tuaviuussilluni piviusunngortitsiniarnerit.

- Naalakkersuisut Imarsiornermik Ilinniarfiup nuunnissaanik aalajangiinerat maannakkut unitsinneqartariaqarpoq qinersinerullu kingorna Inatsisartunit naalakkersuisunngortussanillu nutaanit isummerfigineqarluni, Lars-Emil Johansen ilisimaneqartutut marsip 12-ani Inatsisartunut qinersinissami naalakkersuinermik suliaqarnermut uteqqittoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER