Skip to main content

Aleqa: Paatsoorneqarsimavunga

Siumup siulittaasuata, Aleqa Hammondip ilumuunnginnerarpaa, ingerlatsiviit aalajangersimasut akitsuutinik akiliisalernissaannik oqarsimagaaneqarnini 

Siumut ataasiarluniluunniit aatsitassarsiorfiit aalajangersimasut akitsuussiiffigineqarnissaannik oqarsimanngisaannarpoq, soorlu uani akitsuutinut oqallinnermi pineqartumi London Miningimut.

Partiimut siulittaasoq Aleqa Hammond oqarpoq.

Sermitsiaq normu 9-mi apersorneqarluni (All.: Aleqap London Mining eqqissisippaa) siulittaasup apeqqut imaattoq pissarsiaraa: Oqallisigineqartut pingaarnersaraat London Mining. Taakkua pinngortitamik atorluaanermikkut akitsuummik akiliissappat imaluunniit suliffeqarfiit isumaqatiginiarlugit aallartereersimasat akitsuummik piumasaqaateqarfigineqarsinnaappat?

Tassunga Aleqa Hammond akivoq: Isumaqatigiissutit isumaqatigiissutaarersimasut atorunnaarsissinnaanngilavut, aamma naalakkersuisuusimasunit atsiorneqarsimagaluarpataluunniit, imarisaannullu isumaqataanngikkaluaruttaluunniit. Akitsuutit pillugit oqallinnermi pineqartoq tassaavoq Kalaallit Nunaata nunap iluani naliliutiminik naammattumik pissarsinissaa qularnaarniarlugu siunissami qanoq iliussanersugut, Siumup siulittaasua Aleqa Hammond erseqqissaavoq. 

Suliffeqarfiit aalajangersimasut pineqanngillat

Siumup siulittaasuata kingorna ilumuunnginnerarpaa akissutimi sulifffeqarfinnut aalajangersimasunut atuunnissaannik oqarsimanini.

- Tunngavissatut pilersaarut pillugu oqaaseqarpunga, naalakkersuisut nutaat naalakkersuisuusimasut inatsisiliaannik isumaqatigiissutigisimasaannillu ataqqinnittussaanerat pillugu. Kisianni soorunami erseqqissaatigaara taakkua taamaallaat atuutissasut inatsisit isumaqatigiissutillu allanngortinnissaannut amerlanerussuteqartoqalerpat. Taanna tassaasinnaavoq akileraartarnermut inatsit, Aleqa Hammond oqarpoq taassuma ilanngullugu ilumuunnginnerarlugu, suliffeqarfiit misissueqqaarnissamut pisinnaatitsissuteqareersut akitsuutinik akiliisarnissaannik eqqarsaatersuuteqarsimaneragaasinnaaneq.

- Isumaqatigiissutini immikkut ittuni qanorpiaq allassimasoqarnersoq ilisimanngilarput. Nalunngisatuaraarput tassa isumaqatigiissutip nalinginnaasup qanoq suliarineqarsimanera. Tassani ilaatigut allassimavoq ingerlatsiviit qaqugukkulluunniit Kalaallit Nunaanni akileraartarnermik inatsimmik malinnissasut. Taanna inatsit Inatsisartuni akisussaaffigaarput, Aleqa Hammond erseqqissaavoq, tamatuma saniatigut oqarluni partiimit suli ammaffigineqartoq suliffeqarfinnut arlaatigut akileraartarnermik akikilliliissuteqartoqarsinnaasoq, maannakkut ingerlatsivinnut akileraarut akitsuutinik taarserneqarnissaa iluatsissappat.  

- Suliffeqarfiit ataasiakkaat isumaqatigiissummit nalinginnaasumit allaanerusumik isumaqatigiissusiorsimassagaluarpata soorunami taanna akueriinnartariaqassavarput, Aleqa Hammond erseqqissaavoq.

Allaaserisaq tamakkiisoq Sermitsiami saqqummersoq uani pisiarisinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER