Greenland Venture rubininut aningaasaliivoq
Qeqertarsuatsuaat eqqaani rubininik ujaasineq annertusivoq. Greenland Venture suliniummut 4,5 million koruuninik aningaasaliivoq
Greenland Venture True North Gems Greenland A/S-imi aningaasaliivoq piginneqataalerlunilu. Tamanna pivoq 4,5 million koruuninik aningaasaliinikkut.
- Nuannaarutigaarput aningaasaliinerput aallartinnissamut aningaasaliissutaammat, nunatsinnimi isumallualersitsisinnaavoq.
Ilimanaateqarluarpoq erlinnartut Qeqertarsuatsiaat eqqaaniittut piumaneqarlualersinnaanerat, ilaatigut pitsaassusaat qaffasimmat ingammillu immaqa nunami avatangiitigut allatigullu piiaanermut tuniniaanermullu tunngasunik qaffasissunik piumasaqaateqarfiusumi ingerlanneqartussaammat, Greenland Venture A/S-imi pisortaaneq Karsten Høy oqarpoq.
Isumaqarpoq 'ileqqorissaarnermut' tunngasortaa iluatsitsiffiulluarsinnaasoq.
- Taamaattumik suli pingaarnerulerpoq nunatsinnit aamma piginneqataaffigineqarnera, ineriartornerup aallartileruttorfiani, Karsten Høy oqarpoq.
Qeqertarsuatsiatani rubinit tusagassiuutini sammineqarsimaqaat ilaatigut pineqarluni kikkut rubininut pisinnaatitaaffeqarnersiq. Ukiualuit matuma siornagut SIumup True North Gems Greenland A/S kisermaassilluni ujaarisinnaatilerpaa.
Sumiiffiit rue North Gems Greenland A/S Qeqertarsuatsiaat eqqaani kisermaassilluni ujaasiffigisinnaasai 110 kvadratkilometeriupput sulilu Qaqqatsiap eqqaani sumiiffimmut alla 334 kvadratkilometeriusumut.