Skip to main content

- Pinerluttarnerit ikilisinneqartariaqarput

Abigael M. Johansen, Partii Inuit tunuliaqutaralugit Inatsisartunut qinigassanngortittoq isumaqarpoq, inuiaqatigiit sukkavallaamik ineriartorsimanerat pissutaalluni pinerluttartut amerlasuujusut

- Pinerluttartut inuusutsikkaluttuinnarput, tamannalu ilutigalugu pinerluutaat sakkortusigaluttuinnarlutik. Inuiaqatigiit sukkasuumik ineriartorsimanerat pinerluttoqartarnera pissutaasa ilagaat.

Partii Inuit tunuliaqutaralugu Inatsisartunut qinigassanngortittoq Abigael M. Johansen oqarpoq.

Kalaallit Nunaat sukkasuumik ineriartorpoq, ineriartornermilu aamma qimataasoqarluni. Qimataasimasullu ilaat pinerlunnernut nuuttartut oqaatigalugu.

- Angajoqqaat inuussutissaqarumallutik angerlarsimaffeqarumallutillu ilaatigut marlunnik suliffeqartariaqalersimapput, tamatumallu kingunerata ersersippaa,  meeqqanut piffissaarunnerup kiguneranik, pinerluttartut ukiukinneruleriartuinnarnerat, Abigael M. Johansen oqarpoq

Ilaqutariit aningaasatigut inorsinneqartarunnaarpata pinerluttarnerit annikkissasut Abigael M. Johansen isumaqarpoq.

- Angajoqqaat meeqqatik piffissaqarfiginerulerunikkit perorsaanissamut meeqqaminnut piffissaqarnerulissapput, taamaattumik pinerlunnerit annikillissallutik. Susassaqartulli aamma pinerlunniarnernut peqataanerusariaqarput, Abigael M. Johansen oqarpoq.

Sumi tamani sanaartorneq
Illoqarfinni nunaqarfinnilu sanaartortoqarnissaa Abigael M. Johansenip sulissutiginiarpaa.

- Naalakkersuinikkut pissaaneq nunaqarfinni isorliunerusunilu inuerusaasoq, kalaallit uagut akuersaanngilarput angorusunnagulu, taamaattumik inissanik sanaartornerup siammasissumik atorluarneqarnissaa Partii inuit suleqataaffingerusulluinnarparput, Abigael M. Johansen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER