Ziemer: Lars-Emil politikeriuvoq utoqqaavallaarluni atorsinnaajunnaarnikoq

Lars-Emil Johansen, Siumut, soqutiginngilaa namminerminit inuusunnermit Nikoline Ziemer, IA, politikeritut utoqqaavallaarluni atorsinnaajunnaartutut taaneqarami. Ataqqinninninnerli kaammattuutigalugu

Nikoline Ziemer, IA sinnerlugu qinigassanngortittoq isumaqarpoq, Siumumeersoq Lars-Emil Johansen politikeriusoq nakkaannikoq. Assi toqqorsivimmit. Assi: Leiff Josefsen

Quppernermi ataatsimi Nikoline Ziemer, Inuit Ataqatigiit, "Lars-Emil: Piumasaqaateqartariaqarpugut", allaaserisaq oqaaseqarfigalugu allappoq Lars-Emil Johansen, Siumut, politikeriusoq atorsinnaajunnaarnikoq utoqqaavallaarami. Quppernermi allami partiit marluk IA aamma Siumut isumakkeerfigeqatigiinnissaat kaammattuutigalugu.

Oqaatsit kalaallisuunngortinniaraluassavakka:

- Ilisimaqqissaanngilara. Politikeri utoqqalilluni atorsinnaajunnaarsimasoq allakkaluarpoq politikkimik ingerlatsinini taamaatillugu, taamaakkaluartoq uteqqippoq taavalu 'kalaallit sulisartut oqaaseqartartuattut'. Inuit Ataqatigiit ukiuni qaangiuttuni sisamani aningaasaqarnermik nammineq napatissinnaasumik ingerlatsipput, suliassaqarfiit pingaarnertut ingerlatsiffigisavut tassarpiaapput suliffissaaleqisut aamma meeqqat inuusuttuaqqallu!

Atuaruk: Lars-Emil: Piumasaqaateqartariaqarpugut

- Inuiaqatigiinni innuttaasut marluiit akornanni isumakkeerfigeqatigiinnissaq takorusukkaluarpara, immitsinnut sakkortuallaamik oqaatsitigut saassutariissimasut akornanni- Siumukkormiut IAkkormiullu. Isumakkeerfigeqatigiinnissamut aqqutissiuussisinnaavugut? Isumaqatigiissusiaq? Siumup tamanna qanoq isumaqarfigaa, Nikoline Ziemer aperivoq.

Misilillugu pitsaasaalaarit
Sermitsiaq.AGmut Lars-Emil Johansen, oqaluttuarpoq Ziemerip oqaaseqaatai soqutigivallaarnagit:

- Misilillugu nammineq naleqartitatit aallaavigalugit sassartaarniarit (Nikoline Ziemer aaqq.) inuit allat nakkarsarniarsarinagit. Uanga soqutiginngilara qanoq taagorneqaraluaruma kisianni inuit uattut ukiullit 'utoqqaavallaarnertik pissutigalugit atorsinnaajunnaarnikutut (nutserisup paasinninnera) taassallugit sakkortuvallaartumik naapertuutinngitsumillu naliliinerusoq. Uagut 60-it qaangerlugit amerlajaarsuuvugut - qinersisartut 15 procenteraatigut. Taamaattumik pitsaasaalaarit inoqatitit ataqqillugit, pingaartumik isumakkeerfigeqatigiinnissamik kissaateqaruit, Lars-Emil Johansen oqarpoq.

Nikoline Ziemer 1973-imi inunngorpoq, Lars-Emil Johansen 1946.

Sapaatip-akunnerani Sermitsiami saqqummersumi Lars-Emil Johansenip apersorneqarneranit allaaserisaq atuaruk, tassani suliniutinut angisuunut inatsit pillugu isummersorpoq aamma Danmarkimut attaveqarneq, kiisalu IAp Siumullu akornanni suleqatigiinneq, inuiaqatigiillu mingutsitsinngitsut pillugit isummersorluni. Aviisi uani pisiarisinnaavat:

Illit qinigassavit ukiui apeqqutaappat?

Powered by Labrador CMS