Skip to main content

Piniarnermut Aalisarnermullu ilinniarfiup Nuummut nuunneqarnissaa kukkunerujussuuvoq!

Naalakkersuisut annertuumik kukkupput aasaru Piniarnermut Aalisarnermullu Ilinniarfik Nuummut nuukkunikku. Sisimiuniikkuni pitsaaneruvoq, Piniarnermut Aalisarnermullu Ilinniarfiup aqutsisorigallagaa taama isumaqarpoq

Nuummiinnissaa kukkuneruvoq Ole Larsen nassuiaavoq ilinniarfik marloqiusaasoq: 

− Piniarnermut Aalisarnermullu Ilinniarfiup Nuummut inissinneqarnissaa tulluutinngilluinnarpoq. Eqqarsaatigiinnaraanni ilinniarfiup taaguutaa, tassami piniarnermut aamma ilinniarfiugami imaanngitsoq aalisarnermut kisimi ilinniarfiusoq. Ilinniartuutigut avannaaneerput tunumeerlutillu imaanngitsoq nunatta qeqqaninngaanneersuinnaasut.

Nuuk Sisimiutullu piniarnerup aalisarnerullu iluani tamatigoortunik periarfissaqanngilaq. Tunngavilersorpaalu:

− Takorloorsinnaanngilara Naalakkersuisut qanoq isillutik Nuummi atuakkersorneq sungiusarnerlu kattunniarneraat. Tassami pitsaanerugami atuakkersorneq sungiusarnerlu kattukkaanni piniarnerup aalisarnerullu iluani tamatigoortumik periarfissalimmi. Tamanna Nuummi periarfissaanngilaq. Nuummi nunami ukiakkut ukiukkullu kangerlunnilu qimussertoqarsinnaanngilaq, tamannali Sisimiuni periarfissaavoq. Tassami ilinniartuuteqarpugut avannaaniit tunumiit imaanngitsoq nunatta qeqqaniit kisimi. 

− Nuummi Sisimiunitut sikumi qassutilerisoqarsinnaanngilaq sikumilu ningittakkerisoqarsinnaanani.

− Sisimiut piniarnerup aalisarnerullu iluani periarfissagissaarpoq. Sisimiuni Nuummut naleqqiullugu amerlanernik uumiatsiaararsortoqarpoq pujortuleerarsortoqarlunilu ilinniartut sungiusarfigisinnaasaannik. Isumaqarpunga Sisimiuni sungiusarfissaannik nassaassalluni ajornartorsiutaanavianngitsoq. Nuuk angineruvoq kisianni periarfissalunneruvoq.

Qaasuitsup Kommuniani susoqarnersoq atuarneqarsinnaavoq. Tamanut Avannaani uani akeqanngitsumik pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER