Skip to main content

Martin Møllerip OL-mut piumasaqaatit ataappai

Schweizimi Davosimi World Cupimi 15 kilometerimik sukkaniuttoqarneranni ujakkaartartoq normu 73-itut naammassivoq 

Martin Møller Schweizimi Davosimi World Cupimi ullugissaarpoq. 15 kilometerimik fristilertussaapput, imalu ingerlalluartigaluni qallunaat OL-imut peqataanissamut piumasaqaatai ataallugit. Ajugaasumit 12 procentimit kingusinneruvoq, piumasaqaataavorlu 12,5 procent.

Maannakkut Martin Møllerip OL-imut peqataanissamut piumasaqaatit ataateqqittariaqassavai aappaagu Ruslandimi OL-imi peqataasinnaassaguni. Martin Møller nuannaaqaaq Facebook aqqutigalugu attaveqarfigiganni. 

- Angusaqarluarluni nuanneqaaq. Aammalu OL-imut peqataanissamut piumasaqaatit ataanneri nuanneqaluni. Sapaatillu akunnerani tullermi Italiami Cal Di Fiemmemimi VM-eqarnerani taamaalioqqittariaqassaanga, Martin Møller nuannaaqaluni Sermitsiaq.AG-mut oqarpoq. 

Davosimi World Cup’imi ajugaasuuvoq Sverigemiu Johan Olsson. 15 kilometererpoq 34,47 minutsit atorlugit. Martin Møller normu 73-itut naammassivoq. Ajugaasumit 4,11 minutsinik sukkaanneruvoq qallunaaq Lars Mølgaard Martin Møllerip kinguninnguaq normu 74-itut apuulluni, tassalu 4,19-inik kigaannerulluni. Inuit 86-it ujakkaaqataapput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER