Qimaasup aappaa inissiisarfimmut uterpoq, aappaa suli tigusarineqanngilaq
Qaqortumi inissiisarfimmit qimaaneq ullormik ataasiunngitsumilluunniit sivisussuseqarpoq
Annonse
Qaqortumi Politiit nalunaarutigaat Qaqortumi inissiisarfimmiit qimaasup aappa tigusarineqareersoq.
Tassaavoq 18-inik ukiulik Thomas Sandgreen tigusarineqartoq inissiisarfimmullu inisseqqinneqarluni.
Politiit suli 19-inik ukiulik Suulut Hendriksen ujaaraat. Angutit marluk ujajaanermik suliani tigummigallarneqarput, arfininngormat inissiisarfimmit qimaallutik.
Læs også: To flygtet fra anstalten
Qaqortumi politiit maannakkut innuttaasut kikkulluunniit Suulut Hendriksenip sumiinneranik ilisimasallit politiinut saaffiginnillaquaat oqarasuaatikkut 64 22 22.