Marluk inissiisarfimmit qimaapput
Qaqortumi politiit innuttaasunit ikiortissarsiorput. Angutit inuusuttut marluk inissiisarfimmit qimaasimapput
Annonse
Qaqortumi politiit angutit marluk arfininngormat ulloq naalersoq Pineqaatissinneqarsimasunut Inissiisarfimmit qimaasut ujaaraat.
Pineqarput 18-inik ukiulik Thomas Sandgreen 19-inillu ukiulik Suulut Hendriksen ujajaanernut tunngatillugu suliami tigummigallarneqartut.
Thomas Sandgreen aamma Suulut Hendriksen kingullermik takuneqarput ippassaq unnukkut Qaqortumi inuusuttut ornittagaata eqqaani nalunaaqutaq 20.00 missaani.
Qaqortumi politiit qimaasut sumiissinnaanerannik ilisimasaqartut tamaasa qinnuigaat 64 22 22 atorlugu politiinut attaveqaqqullugit.