Skip to main content

Piorsarsimassutsikkut eriagisassat aanaveersarneqartut

Nuummi ikaartitikkat siunissamut qularnaarneqarput. Ikaartitikkat aanaveersarneqarnerannut sapaatit akunneri tallimat 310.000 koruunillu immikkut ilisimasalinnit atorneqarput

Ikaartitikkat isumannanngillat.

Taama Københavnimi katersugaasivissuarmi Nationalmuseumimi tammatsaaliuinermut immikkoortortaqarfimmi aanaveersaasartut Nuummi ataatsimiittarfimmi suliarujussuat inernilerneqarpoq.

Ikaartitikkat 13-it eqqumiitsuliortumit Hans Lyngemit pilersinneqarsimasut aserfallakkiartulersimagaluarput. Taamaattumillu immikkut ilisimasalinnik aggersaasoqarpoq.

Aanaveersaasartut misissuinerminnut atatillugu ikaartitikkat qanoq issusaannik sukumiisumik nalunaarusiorput, tassanilu ikaartitikkat siunissamut qanoq qularnaarneqarnissaannik inassuteqaasiorlutik.

Ikaartitikkat ataatsimut isigalugu qanoq issusaat ajunngivissoq nalunaarusiami atuarneqarsinnaavoq. Meqqut illersuutigisaminnik suli lanolinitaqarluarput. Qalipaatilli erseqqissut asinngaamisimallutik.

Ikaartitikkat sinaakkutimik ataatigut aamma iluliumaneqalerlutik nivinganeqalersimapput. Immikkut ilisimasallit naapertorlugit tamanna ikaartitikkanik ilusilersuinerup avaqqunneqarsinnaanngitsumik kinguneraa: qissiat ninngunerit sanimoortuupput, taamalu ikaartitikkat oqimaassusaat qissiat aminnersaanniilerlutik. Tamanna piffissap ingerlanerani iluserlernermik kinguneqarpoq.

Ajornartorsiut aaqqiivigineqarpoq ikaartitikkat patajaallisarniarlugit annoraaminernik ilupaassianik killavaartunngorlugit ikkussuinikkut tamatumalu saniatigut ungerutaasanik qarsorsaaralinnik velcrobåndinik ikkussueqqinnikkut.

Allaaserisaq tamaat atuaruk paasillugu Nuummi susoqarnissaq. Nuuk Ugeavis akeqanngitsumik uani aasinnaavat: 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER