Skip to main content

NuanneQaaq

Nipilersorneq qaqugorsuarmut piujuartussaavoq, tamanna nipilersoqatigiikkut Qaaq uppernarsarpaa, nipilersoqatigiit appisimaartillugit tusaqqinngissasorisavut Katuami tallimanngornermi unnukkut tupinnaannartumik nuannersumik tusarnaartitsillutik appimmata

 

Amerlaqaagut ajuallattut qatanngutigiit Per aamma Birthe taakkualu nipilersoqataat Qaaq, nuutimik saqqummersitseqqissanngitsut tusaratsigu. Ilaqutariit aliasoqatigaagut Birthe ukiut 25 matuma siorna kræftimut akiuussinnaajunnaarmat. Kalaallit Nunaanni erinarsortartut immaqa nipiginnersaasa, taamak sivikitsigisumik nunarsuarmi inuulluni toqunera naapertuuppa?

Per aamma Birthe aamma Qaaq katillutik nuussuarnik tallimanik saqqummersitsipput, nalunaarutigigamikku nuutinik allanik saqqummersitseqqissanatik. Nipilersoqatigiit avissaarput ataasiarlutilluunniit tusarnaartitsisimagatik.

Kisianni erinnat piujuartussaapput. Soorlu Mozartip nipilersuusiai tammartussaanngitsut, taamatuttaaq erinnat Qaakkut sanaavi suli atuupput. Nuussuup kingulliup saqqummerneranit ukiut 30-t qaangitillartullu Qaaq tusarnaartitsipput tupinnaarnartumik Katuami Hans Lyngep inersuani ulikkaavissimasumi.

Per Berthelsenip Qaakkut inuttai katersorsimavai, Svend Åge Hansen erinarsorlunilu guitarertoq aamma Niels Ostermann tumerparpaani, taamatullu Kalallit Nunaanni nipilersortartut pitsaanerpaartaat Per aamma Birthep aamma Qaaq erinarsuusiaannik nipilersoqataaqqullugit. Paniisa Julie Berthelsenip aamma Krissie Winbergip Birthe taarserpaat tusarnerluinnartumillu erinarsorlutik.  

 

Qanilaarneq

Tusarnaarianit malugineqarsinnaanngilaq Qaakkut nuusiaat kingulleq ukiut 30-t matuma siorna saqqummersimasoq. Piffissaq tammarporlusooq kikkut tamarmik erinarsuutit ilisaraat amerlanerillu erinarsoqataaffigalugit.

Per Berthelsen aliikkusersuisuuvoq erinarsuutit tamaasa oqaluttuassaqarfigalugit, tusarnaartitsineq inuppalaalersillugu qanilaarneq misinnarluni. Birthe toqoreernikoq arlaleriarluni eqqaaneqarpoq maqaasinerlu asasamillu annaasaqarnermik misigissutsit malunnarsinnaagaluartik, nipimik imaattumik oqaatigineqarput allamik nuannaarutissaqarnata taamaallaat nipilersoqatigiinnik erinnanullu qanilaarnermik.

Svend Aage Hansenip erinagilluni nipaalu immikkuullarilluinnartoq ukiut kingulliit 30-t allanngorsimanngilaq, erinarsorluni aallartikkaangat kikkut tamarmik nillerrattarput. 

Qaaq pileruttorami sisamanik tallimanilluunniit inuttaqartarpoq, erinnat oqitsunnguupput inorruut/pop/rock nipilersoriaatsit atorneqarlutik. Taamaattumik tusarnaartitsineq aallartimmat tupaallannarpoq nipilersortartut 13-iunerat takullugu. Aamma misigisimanalaarpoq nipilersoqatigiinnerit ingasaginarsinnaasut erinarsuutit, pattagiaq, saxofoni, guitari nipilersuutillu allat ”tammaraangata”, tamarmik ataatsikkut nipilersorlutillu erinarsuleraangata.

Taamaakkaluartoq erinnani amerlanerpaani tulluarsaattaramik aamma nipilersortartut tusarnaarianik tusarnaartitsineq tamaat tiguaalluaramik. Hans Jukku Noahsen guitarimik pikkorissorsuulluni, Jim Milne misigissusilimmik pattannera, Viila Sandgreenip guitarimik innaallaagiatortumik tupinnaannartumik piginnaaneqarnera aamma Titken Jakobsenip qarlutaatiminik atuinera. Ilaannaat taajumallugit.

 

Krissie

Allatut ajornartumik Krissie immikkut taasariaqarpara. Qaqutiguinnaq erinarsortarnani erinarsortarnini pimoorunnerusariaqaraluarpaa. Ilami kakkaak erinagillarmat. Taassuma qulliit kuulersippai meeqqulerfiillu anillatsillugit, erinarsornerit tamaasa. Nalinginnaanngitsumik misigittartuvoq, qanilaarluni aamma nipaani anniaat tusaaneqarsinnaalluni, misigissutsinik tamaginnik qanna ilanngullugu attuisoq.

Nukaa Julie inuussutissarsiortutut ingerlatsineruvoq kisianni angajuata Krissiep nipaa kinaassuseqarpoq misigissuseqarlunilu. Uummatinit arfinilinnit uummatit arfinillit Krissiemut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER