Skip to main content

Fight Club Nanoq Islandimi iluatsitsilluartoq

Tilluttartut arfinillit unammimmata taakkunannga tallimat ajugaapput. Piginnaaneqarluartoq Angulluk F. Thomassen kisimi Islandimiumut tilluuttartumut nukittuumut ajorsartuuvoq

Tallimanngornermi unnukkut Reykjavikimi unnuk nuannerluinnarpoq Nuummi tilluuttartut peqatigiiffiat Fight Club Nanoq unammeqataammat. Tupinnaannartumik nuannerpoq - kalaallit isaanni isigalugu.

Aninnguaq Eigaard aallartippoq Emin Islandimeersoq ajugaaffigalugu. Aninnguup isorartuumik periarsinnaanini nukittoqqutigalugu pointit ajugaassutissani pissarsiarai, sungiusaasoq Peter Abelsen Sermitsiaq.AG.mut oqarpoq.

- Ikitannguaq Jensenimip naapippaa Vanja Knudsen, Danmarkimi Grindstedimeersoq. Kusanartumik unammereerlutik Ikitannguaq ajugaasutut suaarutigineqarpoq.

- Mads Peder Bejder Christensen teknikkigissaarluni illoqarfiup immikkut piginnaanilittaa Abdulla Alshaban ajugaaffigaa. Mads Peder silatusaartumik tilluuppoq ajugaanissani qulakkeerlugu. Mads Peter teknikkigissaaqaluni tilluuppoq.  

- Letsværvægtini Nicolaj Ostermann tilluuttussaavoq Alexander Leon Ávaldsson unammissallugu. Unamminermi tassani Nikolaj tilluulluarneruvoq kusanarluinnartunik pointeqarluni ajugaalluni.  

- Jakob Møller, mellemvægtini unammisussaavaa Gisli Kvaran. Unammineq kusanaappoq tukalluni kisianni unammineq Jakobimit naapertuuttumik ajugaaffigineqarpoq.  

Unamminernit arfinilit ajugaanerit tallimat 

- Fight Club Nanoq tilluuttartuisa unammisussaasa kingullersaat tassaavoq Angulluk F. Thomassen. Taassuma naapippaa illoqarfiup tilluuttartorsua, Hróbjartur Trausti Árnason. Tilluunneq taanna angutit pissaaneqarneqqisaanneraat. Tilluullualaavipput tilluartittaqalutillu. Unammineq taanna isiginnaartunik pissangatitsivoq naammassimmatalumi isiginnaariat nikutserlutik tilluuttut tamaasa ersaataatigaat. 

- Hróbjartur Trausti Árnason ajugaatinneqarpoq. Unammineq Angulluup naammagisimaartariaqarpaa oqimaassutsimikkut 6-7 kilonik assigiinngissuseqaramik aamma misilittagaat assigiinngeqimmata.

- Tilluuttartortavut nuannaajallaataasumik maluginiarneqarput, tilluuttartut sungiusaasui aqutsisuilu qallunaat islandimiullu timersoqatigiiffiinit tilluuttartortavut ornigullutik nersualaarpaat. Taamaattumik tamaat isigalugu. Unamminerni arfinilinni tallimat ajugaaffigaavut. Tilluuttartut tamarmik kusanarluinnartumik takutitaqarput, Peter Abelsen oqarpoq.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER