Skip to main content

Maannakkut nostradamusertavut oqallittut

Nuummi ataatsimeersuarnermi siunissami pisussatut takorluukkat naalagaaffimmut tamarmut iluaqqutaasussat oqallisigineqarput 

Ukiuni akullerni nakorsaq franskiusoq Nostradamut siunissaq pillugu taqamooriaanikuuvoq. Eqqoriagaasa ilaat eqquutinngitsoorujussuarput. Allat tupinnaannartumik uniugaqanngillat. 

Ulluni makkunani Nuummi kulturikkut illorsuarmi inerniliussat ilaat taamak pissaqqooqaat. 

Tusarnaariat 500-it saqqummiussisullu ataatsimeersuarnermi 'Future Greenlandimi' oqallittorujussuupput. Anguniarneqarpoq inuiaqatigiinni aalajangiussisarnerit nukittorsarneqarnissaat pitsaasunik naleqqulluartunillu aalajangiussisoqartarnissaa anguniarlugu. Imaluunniit Kalaallit Nunaanni Sulisitsisut peqatigiiffianni pisortap Brian Buus Pedersenip ataatsimeersuarneq una sioqqullugu oqarneratut:

- Kalaallit Nunaata pisuussutini pisuunguutiginavianngilai aalajangiussanili.

Saqqummiussinermi allassimavoq:

- Kalaallit Nunaanni Sulisitsisut peqatigiiffiannit tamatumuuna 'qulimiguulik' atorlugu suliartorpoq tusarniaanermi akissutit, inatsisissatut siunnersuutinik suleqataaneq, IBA-mik ingerlatsinerit, ilaasortanik sullissineq, pisut pillugit oqallisissiornerit il.il. kisiisa pinnagit inuiaqatigiinni unammilligassanik suliaqarniarpoq, tamakkua inernerisa Nunatta siunissaa qulakkiissavaat. Allatut oqaatigalugu ataatsimeersuarnermi takorluukkat isiginiarneqarput - pingaartumillu takorluukkat tamakkua piviusunngortinnissaat.

Sulisitsisut peqatigiiffiata pingajussaaneerluni ataatsimeersuartitsinermik suliaq ingerlappaa. Future Greenland tamatumuuna qulequtaqarpoq ' Takorluukkamit piviusumut'.

Ataatsimeersuarnermi sammisassat arfineq-pingasut assigiinngitsut neqeroorutaapput:

 

  • Takorluukkanut naleqartitat pillugit oqallinneq.
  • Kinap nunat tamalaat akornannut akulerukkiartornera Kalaallit Nunaannut qanoq isumaqarpa.
  • Aalisakkanik tulaassivimmit uuliaqarfimmut. Esbjergimi takorluugaq qanoq piviusunngortinneqarpa?
  • Imminut napatissinnaasumik aningaasaqarnermut aningaasarsiorniarluni soqutigisat 
  • Canadap issittortaani Nunavut aamma Nunavimmi aatsitassarsiornernit misilittakkat.
  • Aningaasatigut imminut napatissinnaaneq aamma ilisimasat qaffakkiartornerat
  • Demokratii suleqatigiissoq aamma digitalimik ingerlatsissutit
  • Call for papers - sammisat januaarip naanerani 2013 saqqummiunneqartut.

Future Greenlandimi saqqummiussisut ilaatigut tassaapput Minik Rosing, Geologisk Museumip pisortaa aamma Københavnsuniversitetimi professori, Sara Olsvig, Folketingimut ilaasortaq, Niels de Connick-Smith, Royal Greenland, Hans Gammeltoft-Hansen siornatigut folketingip ombudsmandia aamma Jørn Neergaard Larsen, Dansk Arbejdsgiverforening adm. direktør.

Ataatsimeersuarneq pingasunngornermi sisamanngornermilu ingerlassaaq.

Assit takukkit "Galleri: Future Greenland"

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER