Skip to main content

Venstre inatsit immikkoq ittoq pillugu: Naalakkersuisut paamaarussipput

Qallunaat naalakkersuisuisa Kalaallit Nunaanni aatsitassarsiornissaq pillugu inatsisissatut siunnersuusiornissaminnut piffissaqarluarsimapput, Gitte Lillelund oqarpoq

 

Piffissami kingullermi Kalaallit Nunaanni aatsitassarsiorneq pillugu qallunaat naalakkersuisui imaaginnavik apeqquteqarfigineqarsimapput, maannalu inneq benzinamit kuerarneqarpoq.

Isornartorsiuisoq tulleq tassaavoq Venstret sinnerlugit nunarput pillugu oqaaseqartartoq Gitte Lillelund Bech, taanna isumaqarpoq naalakkersuisut siunnersuummik inissiinissaminnut paamaartut.  

- Qallunaat naalakkersuisui paamaarussipput. Nunanit allaneersunut inatsisip allannguutissaatut suli siunnersuummi allannguutissatut saqqummiussisoqanngilaq, suliniutinut angisuunut inatsit piviusunngortinneqassappat. 

- Kalaallit qangali taanna apeqqutigisarpaat, suli naalakkersuisunit takusaqanngilagut kingullertulli paasitinneqarpugut  aatsaat kalaallit qinersereerpata taanna tusarniaassutigineqassasoq, Gitte Lillelund Bech oqarpoq.

Marlunngornermi kingusinnerusukkut Kalaallit Nunaanni aatsitassarsiornermi illersornissamik apeqqut pillugu ataatsimiittoqassaaq. Maannakkut siunnersuut tusarniaassutigineqassalluni nassiunneqarpoq kalaallit qinersinerisa kingorna tassa marsip aqqaneq-aappaata kingorna oqaluuserineqassalluni. 

Ataasinngornermi ministeriunerup isornartorsiorpaa Helle Thorning-Schmidt, Socialdemokraterne, partiit Venstret aamma Dansk Folkeparti, taassuma iliuuseqarnissaq tunuartippaa qulakkeerinnissutaasussaagaluaq, taamaasilluni Kinamiut ingerlatsiviutaasa nunatsinni aatsitassanik piiaanissamut isumaqatigiissutit tamakkinnginniassammatigit. 

 

Venstrep namminersorneq pillugu isumaqatigiissut tunngavigaa 
Isornartorsiulli taanna Gitte Lillelund Bechimit pingaartinneqanngilaq taassuma qulakkeerinnissutigaa Venstrep namminersorneq pillugu isumaqatigiissut akuersaaraa. Illuatungaani isumaqarpoq qallunaat naalakkersuisui inatsisissatut siunnersuummik saqqummiussinissaminnut piffissaqarluarsimasut. 

- Naalakkersuisut Kalaallit Nunaannik oqaloqatiginnilluarpoq soorlu ministeriuneq isumaqartoq, taamaattumik naalakkersuisut ilisimasariaqarpaat Kalaallit Nunaanni suliniutinut angisuunut inatsit atuukkiartortoq ukiarmilu akuerineqartoq.

- Tassunga tunngatillugu qallunaat naalakkersuisuisa sunniutissat suussusersiortariaqaraluarpaat, qallunaat nunanit allanit suliartortunut inatsisiliaat qanoq isumaqassanersut sulinermik nakkutilliinermut tunngatillugit, immap qanoq pissuseqarnerananut aamma inatsisinut tunngatillugit apeqqutinut, Gitte Lillelund Bech oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER