Nuummi politiit unnuakkut ulapissimapput

Sapaatip akunnerata naanerani Nuummi politiit ulapittorujussuusimapput, ilaatigut aalakoortorpassuarnik

Ass.: Søren Duran Duus

Sapaatip akunnerani kingullermi akissarsisitsisoqarpoq, tamannalu Nuummi Politiit nalunaarusiaanni takuneqarsinnaavoq, ilaatigut nalunaarutigineqarsimallutik nakuusernerit tallimat, illumi perulluliornerit 11-t imerniartarfimmilu perulluliornerit tallimat.

- Tamakkua tamarmik assigiissutigaat akulerussimasut ataaseq arlallilluunniit imigassartorsimammata, Nuummi Politiini politikommissær Niels Nyvang paasissutissiivoq.

Inuit arlallit silami issittumi maaniinnaq sinilersimapput.

- 11-nik nalunaarfigineqarpugut aalakoorlutik maaniinnaq sinilersimasunik imaluunniit imminnut isumagisinnaajunnaarsimasunik. Tamakkua ilaat arlallit agnerlaanneqarput imaluunniit ambulancemik aatinneqarlutik nakorsamit misissugassatut, Niels Nyvang oqaluttuarpoq, oqaatigalugulu inuit arfinillit isertitsivimmi silattorserlugit sinitsinneqarsimasut.

Tele tillinniarfigiteqqippoq
Januaarimi tillinniartoqartarnerujussuata kingornatigut unnukkut unnuakkullu tillinniarnerit Nuummi Politiit annikillisinniarsaraat.

- Sapaatip akunnerata naanerani sapaatip ataasinngornerullu unnuaata tungaanut tillinniartoqanngilaq, ataasinngornerulli unnuaani nalunaaqutaq 00.24 Securitas-imit nalunaarutigineqarpoq Telep illorsuanut tillinniartoqartoq.

Politiit biilerlutik angalaartut kingorna tillinniat ilaat tigusaraat, taannalu killisiorneqassaaq.

Powered by Labrador CMS