Skip to main content

Ilisimatuut misissuivissami timmisartuaqqat inuttaqanngitsut atorneqassapput

Aarhus Universitet nunatta avannarpasinnersaaniit misissuinissamut pingaarutilimmut aallartitsinissaminut piareerpoq 

Silaannaap allanngoriartornera misissoqqissaarneqassaaq ilisimatuut Aarhus Universitetimeersut nunatta avannaarpiarsuani nutaaliaasumik ilisimatusarnermik ingerlatsiviliorpat. 

Ingerlatsivissami ilisimatuut silaannaap allanngoriartornera misissussavaat, Issittup silaannartaanut, imaanut, ujaqqanut kiisalu uumasunut naasunullu qanoq sunniuteqarnersoq. 

Villum Fonden suliniummut 70,5 millioner koruuninik aningaasaliivoq ilaatigut timmisartuaqqat inuttaqannngitsut atorneqassallutik. 

- Villum Fondenimi aningaasaliinerit qujanaqisut siunissami issittumi misissuinermut annertuumik pingaaruteqassapput, siunissamilu suleqatiigiinnisamut pitsaasumut, kalaallit ingerlatsiviinik qullersaannillu.  

Læs "Ny forskningsstation i Grønland"

- Silaannaap allanngoriartornerata uuttortarnissaani sumiiffik pitsaanerusinnaanngilaq, taamaattumillu Station Nord pingaarluinnartumik inissisimalersinnaavoq, Aarhus Universitetimi rektori Lauritz B. Holm-Nielsen oqarpoq. 

Silaannaap allanngoriartupiloornera ingammi Issittumi annertooq peqqutigalugu silaannaap, mingutsitsinerup issittumilu nerisaqaqatigiinnerup mianernartup imminnut atanerisa allaaserinissaat ilisimatuunit pingaartinneqarpoq.

Issittumi ilisimatusarneq ingerlatissallugu ajornakusooqaaq angallannikkut ilungersunartoqaqimmat. Tassani tikikkuminaassuseq peqqutaaneruvoq angallannikkullu aaqqissuussisoqarsimannginenra. 

Taamaattumik Station Nord pingasunik immikkoortortaqalissaaq nutaaliaasunik atortulinnik.  

Ilaatigut pineqarput illuutit unnuiffissallit, misissuiviit, misissuivillu angallattagaq qamuteralannik, allanillu tikikkuminaatsumik assartuutinik qamutinillu peqarluni sumiiffimmi angalaarsinnaasunik. 

Aamma silaannakkut misissuiveqassaaq timmisartuaqqat inuttaqanngitsut atorneqarlutik, taamaalilluni silaannaap qanoq innera nunallu silaannarmit isigalugu qanoq ittunera misissoqqissaarneqarsinnaallutik. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER